வர்த்தகம், எல்லை பிரச்னை: பரஸ்பரம் ஏற்கக் கூடிய செயல்திட்டம்

இந்தியா-சீனா இடையிலான வர்த்தகம் மற்றும் எல்லை பிரச்னைக்கு தீர்வு காண நியாயமான, பரஸ்பரம் ஏற்கக் கூடிய செயல்திட்டத்தை ஏற்படுத்த முயற்சிப்பது என்று இந்திய-சீன சிறப்பு பிரதிநிதிகள் கூட்டத்தில் முடிவு செய்யப்பட்டது.

- 

சீன வெளியுறவு அமைச்சர் வாங் யி 2 நாள் பயணமாக திங்கள்கிழமை இந்தியா வந்தார். இந்தியா-சீனா இடையிலான எல்லை விவகாரம் குறித்து பேச்சுவார்த்தை நடத்த அவர் இந்தியா வந்த நிலையில், புது தில்லியில் அவர் பிரதமர் மோடி, வெளியுறவு அமைச்சர் ஜெய்சங்கரை சந்தித்தார். இந்திய-சீன எல்லை விவகாரம் தொடர்பான சிறப்பு பிரதிநிதிகள் கூட்டத்திலும் வாங் யி பங்கேற்றார்.

இதுதொடர்பாக வெளியுறவு அமைச்சகம் வெளியிட்ட செய்திக் குறிப்பில் தெரிவிக்கப்பட்டது:

இந்தியா-சீனா இடையிலான எல்லை விவகாரம் தொடர்பான இருநாட்டு சிறப்பு பிரதிநிதிகளின் 24-ஆவது சுற்றுப் பேச்சுவார்த்தை புது தில்லியில் செவ்வாய்க்கிழமை நடைபெற்றது. இதில் தேசிய பாதுகாப்பு ஆலோசகர் அஜீத் தோவல் மற்றும் சீன வெளியுறவு அமைச்சர் வாங் யி பங்கேற்றனர். இந்தக் கூட்டத்தில் இந்திய-சீன எல்லை விவகாரம் தொடர்பாக ஆழமான கருத்துகள் பறிமாறிக்கொள்ளப்பட்டன.