நெல்லை, பாளை.யில் விநாயகர் சிலைகள் ஊர்வலம்

75-க்கும் மேற்பட்ட சிலைகள் விசர்ஜனம்

- 

திருநெல்வேலி, ஆக. 31: திருநெல்வேலி நகரம், பாளையங்கோட்டையில் விநாயகர் சிலைகள் ஊர்வலம் ஞாயிற்றுக்கிழமை நடைபெற்றது.

திருநெல்வேலி மாநகரப் பகுதியில் 80-க்கும் மேற்பட்ட இடங்களில் பெரிய அளவிலான சிலைகளும், சுமார் 2 ஆயிரத்துக்கும் மேற்பட்ட களிமண் சிறிய சிலைகளும் கோயில்களில் பிரதிஷ்டை செய்யப்பட்டன. இவற்றில் சிறிய சிலைகளை நீர்நிலைகளில் பக்தர்கள் ஏற்கெனவே விசர்ஜனம் செய்து வழிபாடு நடத்தினர்.

பெரிய விநாயகர் சிலைகள் அனைத்துக்கும் காவல் துறை சார்பில் பாதுகாப்பு போடப்பட்டிருந்தது.

சுற்றுச்சூழல் கேடு ஏற்படாத வகையில் நதிகளில் விநாயகர் சிலைகளைக் கரைப்பதைத் தடுக்க நீதிமன்றம் அறிவுறுத்தியுள்ளது.