குழந்தைகள் சாட்சிகளாக இருக்கும் குற்றவியல் வழக்கு நிலுவை எத்தனை?

குழந்தைகள் சாட்சிகளாக இருக்கும் குற்றவியல் வழக்குகளில் நிலுவையில் எத்தனை வழக்குகள் உள்ளன என்பது குறித்தும், இந்த வழக்குகளில் குழந்தைகளை சாட்சிகூற வைப்பதற்கு ஐஜி அல்லது டிஜிபி தலைமையில் கண்காணிப்புக் குழு அமைப்பது குறித்தும் தமிழக அரசு அறிக்கை தாக்கல் செய்ய சென்னை உயர்நீதிமன்றம் உத்தரவிட்டது.

- 

சென்னை, ஆக. 18:

கோவையில் சகோதரியை கொலை செய்து சூட்கேசில் மறைத்து எடுத்துச் சென்று எரித்த நபருக்கு ஆயுள் தண்டனை விதிக்கப்பட்டது. இந்த தண்டனையை எதிர்த்து அந்த நபர் சட்டப்பணிகள் ஆணைக்குழு மூலம் மேல்முறையீடு செய்தார். இந்த வழக்கு கடந்த முறை விசாரணைக்கு வந்தபோது, மனுதாரர் தரப்பில் மூத்த வழக்குரைஞர் அபுடுகுமார் ஆஜராகி, இந்த கொலைச் சம்பவம், கொலையுண்ட பெண்ணின் 5 வயது மகன் முன்பு நடந்துள்ளது.

அந்த குழந்தையின் மனநிலை எப்படி இருக்கும்? போக்ஸோ வழக்குகளில் பாதிக்கப்பட்ட குழந்தைகளுக்கு உளவியல் சிகிச்சை வழங்கப்படுகிறது. அதுபோல், கொலை உள்ளிட்ட குற்ற வழக்குகளில் சாட்சிகளாக இருக்கும் குழந்தைகளுக்கு உளவியல் சிகிச்சை வழங்குவது இல்லை என்று கூறினார்.