எதிர்காலத்தில் தாக்குதலுக்கு முயன்றால் கடும் பதிலடி

பாகிஸ்தானுக்கு பிரதமர் மோடி எச்சரிக்கை

- நமது சிறப்பு நிருபர்

நமது சிறப்பு நிருபர் புது தில்லி, ஆக. 15: தில்லியில் வெள்ளிக்கிழமை நடைபெற்ற 79-ஆவது சுதந்திர தினவிழாவில் பிரதமர் நரேந்திர மோடி 103 நிமிடங்களுக்கு (ஒரு மணிநேரம் 43 நிமிடங்கள்) நாட்டு மக்களுக்கு உரையாற்றினார். பிரதமராக பதவியேற்ற 2014-இலிருந்து அவர் ஆற்றிய சுதந்திர தின உரைகளிலேயே இது மிகவும் நீண்டதாக கருதப்படுகிறது.

சுதந்திர தினத்தையொட்டி செங்கோட்டையில் மூவர்ணக் கொடியை ஏற்றி வைத்த பிறகு நாட்டு மக்களுக்கு பிரதமர் நரேந்திர மோடி உரையாற்றினார். தனது உரையை காலை 7.33 மணிக்கு தொடங்கி 9.18 மணிக்கு அவர் முடித்தார். கடந்த ஆண்டு சுதந்திர தினத்தில் அவர் 98 நிமிடங்கள் உரையாற்றினார். 2014-இல் பிரதமராக பதவி ஏற்ற பிறகு நடைபெற்ற சுதந்திர தினத்தில் அவர் 65 நிமிடங்கள் உரையாற்றினார். அதைத் தொடர்ந்து, 2015-இல் 88 நிமிடங்கள், 2016-இல் 96 நிமிடங்கள், 2017-இல் 56 நிமிடங்கள், 2018-இல் 83 நிமிடங்கள், 2019-இல் 92 நிமிடங்கள், 2020-இல் 90 நிமிடங்கள், 2021-இல் 88 நிமிடங்கள், 2022-இல் 74 நிமிடங்கள், 2023-இல் 90 நிமிடங்கள் என அவரது உரை அமைந்தது.