ஜாமீனில் உள்ள லாலுவைச் சந்தித்த குடியரசு துணைத் தலைவர் வேட்பாளர்

ஊழல் வழக்கில் ஜாமீனில் உள்ள ஆர்ஜேடி கட்சித் தலைவர் லாலு பிரசாதை காங்கிரஸ் கூட்டணியின் குடியரசு துணைத் தலைவர் வேட்பாளர் பி.சுதர்சன் ரெட்டி சந்தித்து ஆதரவு கோரியதற்கு பாஜக கண்டனம் தெரிவித்தது.

- 

புது தில்லி, செப். 8:

இதுதொடர்பாக பாஜக மூத்த தலைவர் ரவிசங்கர் பிரசாத், தில்லியில் செய்தியாளர்களிடம் திங்கள்கிழமை கூறியதாவது:

காங்கிரஸ் கூட்டணி சார்பில் குடியரசு துணைத் தலைவர் வேட்பாளர் தேர்தலில் உச்ச நீதிமன்ற நீதிபதியான பி.சுதர்சன் ரெட்டி போட்டியிடுகிறார்.

இந்தியாவின் ஆன்மாவைக் காப்பது பற்றிப் பேசும் அவர், கால்நடைத் தீவன வழக்கில் நீதிமன்றத்தால் குற்றம் உறுதிப்படுத்தப்பட்டவரும் பல்வேறு ஊழல் வழக்குகளை இன்னும் எதிர்கொள்பவருமான லாலு பிரசாதை சந்தித்துப் பேசுகிறார். இது கபட நாடகத்தின் உச்சமாகும். இனியாவது இந்தியாவின் ஆன்மாவைக் காப்பது குறித்து சுதர்சன் ரெட்டி பேசக்கூடாது.