தில்லியில் வங்கி, என்பிஎஃப்சி, எரிவாயு விநியோகம் பொதுப் பயன்பாட்டு சேவைகளாக அறிவிப்பு

வங்கி, வங்கி சாரா நிதி நிறுவனங்கள் (என்பிஎஃப்சி) மற்றும் எரிவாயு விநியோகம் ஆகியவற்றை பொதுப் பயன்பாட்டு சேவைகளின் கீழ் சேர்க்க தில்லி துணைநிலை ஆளுநர் வி.கே. சக்சேனா ஒப்புதல் அளித்துள்ளதாக ராஜ் நிவாஸ் அதிகாரிகள் செவ்வாய்க்கிழமை தெரிவித்தனர்.

- நமது நிருபர்

நமது நிருபர் புது தில்லி, ஜூலை 29:

நிரந்தர லோக் அதாலத்கள் மூலம் இந்தத் துறைகளில் உள்ள தகராறுகளை விரைவாகத் தீர்க்க இந்த நடவடிக்கை உதவும் என்று அவர்கள் தெரிவித்தனர்.

அதிகரித்துவரும் தகராறுகளைக் காரணம் காட்டி, இந்த சேவைகளை பொது பயன்பாட்டு சேவைகள் பிரிவின் கீழ் சேர்க்க தில்லி அரசின் சட்டத் துறையின் முன்மொழிவு துணைநிலை ஆளுநருக்கு அனுப்பப்பட்டிருந்தது.