ஒப்பந்தத்தை ஏற்காவிட்டால் பேரழிவு!

ஹமாஸுக்கு இஸ்ரேல் எச்சரிக்கை

- 

ஜெருசலேம், மே 31: காஸாவில் போர் நிறுத்தம் மேற்கொள்வதற்காக அமெரிக்கா முன்வைத்த புதிய செயல்திட்டத்தை ஏற்காவிட்டால் பேரழிவைச் சந்திக்க வேண்டியிருக்கும் என்று ஹமாஸ் அமைப்புக்கு இஸ்ரேல் எச்சரிக்கை விடுத்துள்ளது.

இது குறித்து அந்த நாட்டு பாதுகாப்புத் துறை அமைச்சர் இஸ்ரேல் காட்ஸ் கூறியதாவது:

ஹமாஸ் அமைப்பினருக்கு இப்போது இரண்டே தேர்வுகள்தான் உள்ளன. ஒன்று, காஸாவில் போர் நிறுத்தம் தொடர்பாக அமெரிக்க அதிபர் டொனால்ட் டிரம்ப்பின் சிறப்புத் தூதர் ஸ்டீவ் விட்காஃப் அளித்துள்ள செயல் திட்டத்தை உடனடியாக ஏற்றுக் கொள்வது; மற்றொன்று, முழு பேரழிவைச் சந்திப்பது. இந்த இரண்டில் ஒன்றை மட்டுமே ஹமாஸ் அமைப்பு தேர்ந்தெடுக்க முடியும் என்றார் அவர்.

இதற்கிடையே, இஸ்ரேலுக்கும், ஹமாஸுக்கும் இடையிலான புதிய போர் நிறுத்த ஒப்பந்தம் மிக நெருக்கத்தில் இருப்பதாக அதிபர் டிரம்ப் நம்பிக்கை தெரிவித்துள்ளார்.