42 நாள்களில் 13,625 வழக்குகள் முடித்துவைப்பு

நீதிபதி பரத சக்கரவர்த்தி சாதனை

- 

மூன்று ஆண்டுகளுக்கு மேல் நிலுவையில் உள்ள 3 ஆண்டுகள் சிறைத் தண்டனை விதிக்கக்கூடிய 13,625 வழக்குகளை 42 வேலை நாள்களில் விசாரித்து முடித்துவைத்து சென்னை உயர்நீதிமன்ற நீதிபதி டி.பரத சக்கரவர்த்தி சாதனை படைத்துள்ளார்.

மூன்று ஆண்டுகள் தண்டனை விதிக்கக் கூடிய வழக்குகள், 3 ஆண்டுகளுக்கு மேல் நிலுவையில் இருந்தால், அதை உயர்நீதிமன்றம் தாமாக முன்வந்து விசாரணைக்கு எடுத்து முடிவுக்கு கொண்டு வர வேண்டும் என்று உச்சநீதிமன்றம் உத்தரவிட்டது. அதன்படி, அந்த வழக்குகளை விசாரிக்க சென்னை உயர்நீதிமன்ற நீதிபதி டி.பரத சக்கரவர்த்தி நியமிக்கப்பட்டார்.

சென்னை உயர்நீதிமன்றத்தின் அதிகார வரம்புக்குள்பட்ட மாவட்ட நீதிமன்றங்களில் இருந்து 20,985 வழக்குகள் அனுப்பி வைக்கப்பட்டன.