சுதந்திரம் என்பது உரிமைகள் மட்டுமல்ல, கடமைகளும் இணைந்தது

'நாட்டின் சுதந்திரம் என்பது வெறும் உரிமைகளைப் பற்றியது மட்டுமல்ல; அது கடமைகளை நிறைவேற்றுவது, ஒற்றுமையாக செயல்படுவதையும் உள்ளடக்கியது' என்று பிரதமர் நரேந்திர மோடி புதன்கிழமை தெரிவித்தார்.

- பிரதமர் மோடி

அரசமைப்புச் சட்ட தினத்தன்று நாட்டு மக்களுக்கு இந்த உண்மையை நினைவூட்டுவதாகவும் அவர் குறிப்பிட்டார்.

இந்தியாவின் முதல் உள்துறை அமைச்சரான சர்தார் வல்லபபாய் படேலின் 150-ஆவது பிறந்தநாள் ஆண்டை முன்னிட்டு தொடர் நிகழ்ச்சிகள் நடத்தப்பட்டு வருகின்றன.

அந்தவகையில், சர்தார் படேலின் சொந்த ஊரான குஜராத் மாநிலம், ஆனந்த் மாவட்டத்தில் உள்ள கரம்சத் நகரில் இருந்து நர்மதா மாவட்டத்தில் உள்ள அவரது பிரம்மாண்ட 'ஒற்றுமை சிலை' வரையிலான 'ஒற்றுமை நடைப்பயணம்' மாநில அரசால் ஏற்பாடு செய்யப்பட்டுள்ளது. அதன் தொடக்க நிகழ்ச்சி புதன்கிழமை நடைபெற்றது.