ஜிஎஸ்டி சீரமைப்பால் வருவாய் வரவு பாதிக்கக் கூடாது

சரக்கு மற்றும் சேவை வரி (ஜிஎஸ்டி) சீரமைப்பு நடவடிக்கையால், தமிழகத்துக்கான வருவாய் வரவுகளில் பாதிப்பு ஏற்படக் கூடாது என்று நிதி அமைச்சர் தங்கம் தென்னரசு வலியுறுத்தினார்.

- 

சென்னை, செப். 2:

அரசின் தொலைநோக்குத் திட்டங்களின் நிலை தொடர்பாக, தலைமைச் செயலகத்தில் செய்தியாளர்களிடம் அமைச்சர் தங்கம் தென்னரசு செவ்வாய்க்கிழமை கூறியதாவது:

மத்திய அரசிடம் இருந்து நிதிகள் வராத நிலையில் மாநிலத்துக்கான சொந்த வரி வருவாயை வைத்துக் கொண்டு செலவிட வேண்டியுள்ளது. இந்த நிதியை வைத்தே, பொருளாதார வளர்ச்சியை இரட்டை இலக்கத்துக்கு கொண்டு வந்துள்ளோம். கடன்களைப் பற்றி பேசுவோர், பொருளாதார வளர்ச்சியைப் பற்றி பேசாமல் இருக்கின்றனர்.