வரி செலுத்துவோர் வரி ஆணையத்தின் சம்மன்களுக்கு கட்டுப்படுவது கட்டாயம்: உச்சநீதிமன்றம் தீர்ப்பு

'வரி செலுத்துவோர் மத்திய அல்லது மாநில வரி ஆணையங்கள் அனுப்பும் சம்மன்களுக்கு கட்டுப்பட்டு அதற்கு உரிய முறையில் பதிலளிப்பது கட்டாயம்' என உச்சநீதிமன்றம் தீர்ப்பளித்தது.

- 

புது தில்லி, ஆக.17:

தனிநபர் அல்லது நிறுவனம் என சட்டரீதியாக வரி செலுத்த வேண்டிய நிலையில் உள்ளவர்கள் அல்லது பிற நிதி கட்டுப்பாடுகளுக்கு உட்பட்டவர்களை 'வரி செலுத்துபவர்கள்' என வருமான வரி சட்டம்-1961 குறிப்பிடுகிறது.

தில்லி சரக்கு மற்றும் சேவை வரி (ஜிஎஸ்டி) ஆணையத்தில் பதிவுசெய்துள்ள பாதுகாப்பு சேவைகள் வழங்கும் 'ஆர்மர் செக்யூரிட்டி' என்ற பொது வரையறுக்கப்பட்ட நிறுவனம் வரி கோரிக்கைகள் மற்றும் விசாரணை ஆகியவற்றால் சிக்கல்களை சந்தித்தது.

இதுதொடர்பாக அந்நிறுவனம் தாக்கல் செய்த மனு மீது உச்ச நீதிமன்ற நீதிபதிகள் ஜெ.பி. பார்திவாலா, ஆர்.மகாதேவன் ஆகியோர் அடங்கிய அமர்வு விசாரணை நடத்தி ஆக.14-இல் தீர்ப்பு வழங்கியது.