பருவ மழைக்கால முன்னேற்பாடு பணிகளில் ஒருங்கிணைப்பு அவசியம்

சென்னையில் பருவமழைக்கால முன்னேற்பாடு பணிகளை பல்வேறு துறையினரும் ஒருங்கிணைந்து மேற்கொள்ள வேண்டும் என்று துணை முதல்வர் உதயநிதி ஸ்டாலின் அறிவுறுத்தினார்.

- 

சென்னை, ஆக. 5:

வடகிழக்கு பருவமழையை முன்னிட்டு, சென்னை மற்றும் சுற்றியுள்ள பகுதிகளில் மேற்கொள்ளப்பட்டுவரும் முன்னேற்பாட்டுப் பணிகள் குறித்து தலைமைச் செயலகத்தில் அமைச்சர்கள், அதிகாரிகளுடன் துணை முதல்வர் உதயநிதி செவ்வாய்க்கிழமை ஆலோசனை நடத்தினார். அப்போது அவர் பேசியதாவது:

கடந்த சில ஆண்டுகளாக பருவமழை காலங்களில் சென்னை அதிக மழைப்பொழிவை எதிர்கொண்டு வருகிறது. கடந்த காலங்களில் கனமழை காரணமாக ஏற்பட்ட விளைவுகள், பாதிப்புகள் உள்ளிட்டவற்றை அனுபவமாகக் கொண்டு பல்வேறு முன்னெச்சரிக்கைப் பணிகளை மேற்கொண்டு வருகிறோம்.