அரசுக் கல்லூரிகளில் மாணவர்கள் விரும்பி சேரும் நிலையை ஏற்படுத்தியவர் முதல்வர் ஸ்டாலின்

அரசுக் கல்லூரிகளில் மாணவர்கள் விரும்பி சேரும் நிலையை ஏற்படுத்தியவர் முதல்வர் மு.க.ஸ்டாலின் என மாநில நீர்வளம் மற்றும் சட்டத்துறை அமைச்சர் துரை முருகன் கூறினார்.

- 

தமிழ்நாடு டாக்டர் அம்பேத்கர் சட்டப் பல்கலைக்கழகம் சார்பில் தரமணிகலையரங்கில் 2025-2026-ஆம் கல்வியாண்டுக்கான 5 ஆண்டுகள் சட்டக் கல்வி சேர்க்கையில் தேர்வு பெற்ற மாணவர்களுக்கு ஒதுக்கீடு ஆணைகள் வழங்கும் நிகழ்வும், சூரிய மின்சக்தி நிலைய தொடக்க விழாவும் செவ்வாய்க்கிழமை நடைபெற்றது.

தமிழ்நாடு பல்கலைக்கழகத்தின் கீழ் இயங்கிவரும் சீர்மிகு சட்டப் பள்ளியின் பல்வேறு துறைகளின் 5 ஆண்டு ஒருங்கிணைந்த சட்டப் படிப்புகள் மற்றும் பல்கலைக்கழகத்துடன் இணைவு பெற்ற சட்டக் கல்லூரிகளின் 5 ஆண்டு சட்டப் படிப்புக்கான நிகழ் கல்வியாண்டின் சேர்க்கை பட்டியல் தரவரிசைப்படி கடந்த ஜூன் 10-ஆம் தேதி வெளியிடப்பட்டது.

இந்த மாணவர்களுக்கு அமைச்சர் துரை முருகன் ஒதுக்கீடு ஆணைகளை வழங்கினார்.