பள்ளிக் கல்வி அதிகாரிகளுக்கு முக்கிய அறிவுறுத்தல்

தேக்கமடையும் வழக்குகள்

- 

சென்னை, மார்ச் 21: பள்ளிக் கல்வித் துறை தொடர்பான நீதிமன்ற வழக்குகள் தொடர்ந்து அதிகரித்து வரும் நிலையில், அது தொடர்பான நடைமுறைகளை முதன்மைக் கல்வி அலுவலர்கள் உள்ளிட்ட அதிகாரிகள் கால தாமதமின்றி விரைந்து முடிக்க வேண்டும் என துறையின் இயக்குநர் எஸ்.கண்ணப்பன் அறிவுறுத்தியுள்ளார்.

அவ்வாறு செயல்படாத அதிகாரிகள் மீது கடும் நடவடிக்கை எடுக்கப்படும் எனவும் எச்சரிக்கை விடுக்கப்பட்டுள்ளது.

பள்ளிக் கல்வித் துறையில் தேக்கமடைந்துள்ள நீதிமன்ற வழக்குகள் சார்பாக அனைத்து மாவட்ட முதன்மைக் கல்வி அலுவலர்கள், இணை இயக்குநர்கள் ஆகியோருக்கு பள்ளிக் கல்வித் துறை இயக்குநர் எஸ்.கண்ணப்பன் வெள்ளிக்கிழமை முக்கிய அறிவுறுத்தல்களை வழங்கியுள்ளார்.