ஓட்டுநரில்லா மெட்ரோ ரயில் சோதனை ஓட்டம்: தொழில்நுட்பக் கோளாறால் சிக்கல்

பூந்தமல்லியில் வியாழக்கிழமை நடைபெற்ற ஓட்டுநரில்லாத மெட்ரோ ரயில் சோதனை ஓட்டத்தின்போது தொழில்நுட்பக் கோளாறு ஏற்பட்டது.

- 

ஆவடி, மார்ச் 20:

சென்னையில் 2-ஆம் கட்ட மெட்ரோ ரயில் திட்டத்தை 3 வழித்தடங்களில் செயல்படுத்த தமிழ்நாடு அரசு திட்டமிட்டிருந்தது. அதன்படி, ரூ. 63,246 கோடி செலவில் 118.9 கி.மீ. நீளமுள்ள 3 வழித்தடங்களைக் கொண்ட 2-ஆம் கட்டப் பணிகள் 2020-ஆம் ஆண்டு நவம்பரில் தொடங்கி நடைபெற்று வருகின்றன. தற்போது பூந்தமல்லி - போரூர் வரையிலான வழித்தடத்தில் 90 விழுக்காடு கட்டுமானப் பணிகள் முடிவடைந்த நிலையில், இந்த வழித்தடத்தில் டிசம்பர் மாதம் மெட்ரோ ரயில் இயக்கப்படும் என தெரிவிக்கப்பட்டுள்ளது.