உக்ரைன் அமைதி திட்டத்தில் நடைமுறை சிக்கல்கள்: புதின்

உக்ரைன் முன் வைத்துள்ள 30 நாள் போர் நிறுத்த திட்டத்தை நிறைவேற்றுவதில் நடைமுறை சிக்கல்கள் உள்ளதாக ரஷிய அதிபர் விளாதிமீர் புதின் கூறியுள்ளார்.

- 

ரஷியா வந்துள்ள பெலாரஸ் அதிபர் அலெக்ஸாண்டர் லுகஷென்கோவுடன் பேச்சுவார்த்தை நடத்திய பின் அவருடன் செய்தியாளர்களை வியாழக்கிழமை சந்தித்த புதின் இது குறித்து கூறியதாவது: அமெரிக்காவும் உக்ரைனும் பேச்சுவார்த்தை நடத்தி முன்வைத்துள்ள போர் நிறுத்த திட்டத்தை ரஷியா கொள்கை அளவில் ஆதரிக்கிறது. இருந்தாலும், இந்த விவகாரத்தில் தீர்க்கப்பட வேண்டிய பிரச்னைகள் ஏராளமாக இருக்கின்றன.

ரஷியாவுக்கும் உக்ரைனுக்கும் இடையே ஏற்படக்கூடிய அமைதி நிரந்தரமாக இருக்க வேண்டும்.
அதற்கு, இந்தப் போருக்கான அடிப்படை காரணம் களையப்பட வேண்டும்.