தேர்தல் ஆணையத்துக்கு எதிராக சட்ட நடவடிக்கை

புது தில்லி, நவ.1: ஹரியாணா பேரவைத் தேர்தல் வாக்கு எண்ணிக்கை முறைகேடு குற்றச்சாட்டை நிராகரித்த தேர்தல் ஆணையத்தின் முடிவுக்கு எதிராக சட்ட நடவடிக்கை எடுக்க உள்ளதாக காங்கிரஸ் கட்சி எச்சரித்துள்ளது.

- 

கடந்த அக். 5-ஆம் தேதி ஹரியாணா பேரவைத் தேர்தல் நடைபெற்றது. இதைத்தொடர்ந்து அக். 8-ஆம் தேதி காலை 8 மணிக்கு வாக்கு எண்ணிக்கை தொடங்கிய நிலையில், ஆரம்ப சுற்று நிலவரம் காங்கிரஸுக்கு சாதகமாக இருந்தது. பிறகு நிலவரம் மாறி, பல தொகுதிகளில் பாஜக முன்னிலை பெற்று வெற்றியடைந்தது.

இதைத் தொடர்ந்து, ஹரியாணாவின் சுமார் 14 தொகுதிகளில் வாக்குப் பதிவு இயந்திரங்களின் செயல்பாடு மற்றும் வாக்கு எண்ணிக்கையில் தீவிரமான பிரச்னைகள் இருந்ததாக தெரிவித்த காங்கிரஸ், அந்தத் தேர்தல் முடிவு சூழ்ச்சிகளின் வெற்றி என்றும், அந்த முடிவை ஏற்க முடியாது என்றும் தெரிவித்தது.