‘தியாகிகளைப் போற்றும் திமுக அரசு’

பசும்பொன் தேவர் நினைவிடத்தில் முதல்வர் மரியாதை

- 

பசும்பொன் முத்துராமலிங்கத் தேவரைப் போற்றும் விதத்தில் செயல்களையும், திட்டங்களையும் தொடர்ந்து மேற்கொள்வோம் என்றும், தியாகிகளைப் போற்றும் விதத்தில் திமுக அரசு செயல்பட்டு வருகிறது என்றும் முதல்வர் மு.க.ஸ்டாலின் பெருமிதம் தெரிவித்தார்.

ராமநாதபுரம் மாவட்டம், கமுதி அருகேயுள்ள பசும்பொன்னில் தேவர் நினைவிடத்தில் அவரது சிலைக்கு முதல்வர் மு.க. ஸ்டாலின் மாலை அணிவித்து மரியாதை செலுத்தினார்.

அப்போது, அமைச்சர்கள் கே.கே.எஸ்.எஸ்.ஆர். ராமச்சந்திரன், தங்கம் தென்னரசு, இ. பெரியசாமி, பி. மூர்த்தி, பழனிவேல் தியாகராஜன், அன்பில் மகேஸ் பொய்யாமொழி, டி.ஆர்.பி. ராஜா, கே.ஆர். பெரியகருப்பன், கீதா ஜீவன், அனிதா ராதாகிருஷ்ணன், அர. சக்கரபாணி, ஆர்.எஸ். ராஜகண்ணப்பன், மு.பெ. சாமிநாதன், ராமநாதபுரம் தொகுதி சட்டப்பேரவை உறுப்பினர் காதர்பாட்ஷா முத்துராமலிங்கம், கமுதி ஒன்றிய திமுக செயலர் எஸ்.கே. சண்முகநாதன், ஊராட்சி ஒன்றியக் குழுத் தலைவிகள் தமிழ்ச்செல்வி போஸ் (கமுதி), சண்முகப்பிரியா (முதுகுளத்தூர்), பேரூராட்சித் தலைவர் ஷாஜகான் உள்ளிட்டோரும் தேவர் சிலைக்கு மரியாதை செலுத்தினர்.