ஜூனில் ஏறுமுகம் கண்ட இந்திய ஏற்றுமதி

கடந்த ஜூன் மாதத்தில் இந்தியாவின் சரக்கு ஏற்றுமதி 3,520 கோடி டாலராக அதிகரித்துள்ளது.

- 

இது குறித்து மத்திய வா்த்தகத் துறை அமைச்சகம் திங்கள்கிழமை வெளியிட்டுள்ள புள்ளிவிவரங்கள் தெரிவிப்பதாவது:

கடந்த ஜூன் மாதத்தில் நாட்டின் சரக்கு ஏற்றுமதி 3,520 கோடி டாலராகப் பதிவாகியுள்ளது. இது, முந்தைய 2023-ஆம் ஆண்டின் இதே மாதத்தோடு ஒப்பிடுகையில் 2.56 சதவீதம் அதிகம்.

மதிப்பீட்டு மாதத்தில் கச்சா எண்ணெய், பருப்பு வகைகள், மின் சாதனங்களின் இறக்குமதி அதிகரித்ததன் காரணமாக இந்தியாவின் ஒட்டுமொத்த இறக்குமதி சுமாா் 5 சதவீதம் உயா்ந்து 5,618 கோடி டாலராக உள்ளது.

அந்த வகையில் கடந்த ஜூன் மாதத்தில் நாட்டின் வா்த்தகப் பற்றாக்குறை (ஏற்றுமதிக்கும் இறக்குமதிக்கும் இடையிலான வேறுபாடு) 2,098 கோடி டாலராக அதிகரித்துள்ளது.

கடந்த 2023-ஆம் ஆண்டின் ஜூன் மாதத்தில் வா்த்தக பற்றாக்குறை 1,919 கோடி டாலராக இருந்தது.