భారత్..శాంతిమార్గమే..

భారత్, రష్యాల శాంతిమార్గం..

- 

ఇరు దేశాల సంబంధాలు అనేక చారిత్రక మైలురాళ్లను చేరుకుంటున్న తరుణంలో అధ్యక్షుడు పుతిన్ పర్యటన సంతోషంగా ఉంది. గత పదేళ్లలో ప్రపంచం ఎన్నో ఒడిదొడుకులను చూసింది.ఈ గందరగోళం మధ్య కూడా భారత్ - రష్యా స్నేహం కాలపరీక్షకు నిలిచింది.దాదాపు 25 ఏళ్ల క్రితం, అధ్యక్షుడు పుతిన్ మన వ్యూహాత్మక భాగస్వామ్యానికి పునాది వేశారు..

- మోడీ..

0 భారత్-రష్యా మధ్య 64 బిలియన్ డాలర్ల వ్యాపారం

0 ఇరుదేశాల మధ్య మరింత వాణిజ్య సహకారం

0 అమెరికా ఆంక్షలు ఉన్నా చమురు రవాణా ఆగదు

0 సొంత కరెన్సీలతో వ్యాపారానికి చేరువగా ఉన్నాం

o అణువిద్యుత్ తదితర రంగాల్లో సహకారం కొనసాగిస్తాం

0 ఉగ్రవాదంపై పోరులో భారత్తో కలసి నడుస్తాం

0 ఉక్రెయిన్తో యుద్ధంపై మోడీ సూచనలు స్వాగతిస్తున్నాం

O మోడీతో భేటీలో సంయుక్త మీడియా సమావేశంలో పుతిన్

న్యూఢిల్లీ, డిసెంబర్ 05 (ఆదాబ్ హైదరాబాద్): శాంతిపక్షానే భారత్ నిలుస్తుందని, ఉక్రెయిన్ సంక్షోభాన్ని శాంతియుతంగా, చర్చల ద్వారా పరిష్కరించుకునేందుకు సహకరిస్తుందని ప్రధానమంత్రి నరేంద్ర మోడీ అన్నారు. న్యూఢిల్లీలోని హైదరాబాద్ హౌస్ లో రష్యా అధ్యక్షుడు పుతిన్ తో శుక్రవారం జరిగిన ఉన్నత స్థాయి సమావేశంలో ప్రధాని పాల్గొన్నారు. అనంతరం ప్రధాని మాట్లాడుతూ, దేశాల సంక్షేమం శాంతి మార్గంలోనే ఉందని, దౌత్యం ద్వారానే రష్యా, ఉక్రెయిన్లు విభేదాలను పరిష్కరించుకుంటారనే నమ్మకం తనకు ఉందని చెప్పారు. భారత్, రష్యా కలిసి ప్రపంచాన్ని శాంతి మార్గంలో నడిపిద్దామని పుతిన్ తో అన్నారు. ఉక్రెయిన్ సంక్షోభం మొదలైనప్పటి నుంచి పుతిన్ ప్రభుత్వం భారత్పై విశ్వాసం ఉంచి ప్రతి విషయాన్ని తమతో పంచుకుందని మోడీ అన్నారు.