சீனிவாசனுக்கு எதிராக செந்தில்குமார்! ஆத்தூரில் பெரியசாமி! இந்திரா

-திண்டுக்கல் நிலவரம்!

- -நா.ஆதித்யா

கொங்கு மண்டலத்திற்கு அடுத்தபடி யாக அ.தி.மு.க.விற்கு கணிசமான எம்.எல்.ஏ.க்களை தருவது திண்டுக்கல் மாவட்டம் என்றால் அது மிகையல்ல! கடந்த கால வரலாறுகளும் அதனையே பிரதிபலிக்கும். மாவட்டத்தில் மொத்தமுள்ள 7 சமு குன்றத் தொகுதிகளில் பெரும்பாலும் அ.தி.மு.க., என இரு கட்சிகளும் 4:3 என்ற விகிதத்திலேயே ஒவ்வொரு தேர்தலிலும் மாறி மாறி தொகுதி களைக் கைப்பற்றிவருகின்றன. அதேபோல வருகின்ற 2026 சட்டமன்றத் தேர்தலில் அ.தி.மு.க.வுக்கு சாதகமாக வந்துவிடக்கூடாது என்று தி.மு.க. தலைமை நினைக்கிறது. எப்படியாவது இந்த மாவட்டத்திலுள்ள 7 தொகுதிகளையும் இம்முறை கைப்பற்றியாக வேண்டுமென்று பல வியூகங்களை முன்னெ டுத்து களமிறங்கியுள்ளது தி.மு.க. தலைமை.

“பழனி, ஒட்டன்சத்திரம், ஆத்தூர், நிலக்கோட்டை (தனி), நத்தம், திண்டுக்கல் மற்றும் வேடசந்தூர் ஆகிய சட்டமன்றத் தொகுதிகளை உள்ளடக்கியது திண்டுக்கல் மாவட்டம். இதில் பழனி, ஒட்டன்சத்திரம், ஆத்தூர் மற்றும் வேடசந்தூர் ஆகிய நான்கு சட்டமன்றத் தொகுதிகள் தி.மு.க. வசமும், மீதமுள்ள திண்டுக்கல், நத்தம் மற்றும் நிலக்கோட்டை சட்டமன்றத் தொகுதிகள் அ.தி.மு.க. வசமும் உள்ளன. அ.தி.மு.க., தி.மு.க.வை பொறுத்தவரை, நிர்வாக ரீதியாக மாவட்டம் கிழக்கு, மேற்கு என இரண்டாகப் பிரிக்கப்பட்டுள்ளது என்றாலும் கிழக்கு, மேற்கு மாவட்டங்கள் இரண்டும் வேறு வேறு சட்டமன்றத் தொகுதிகளை கொண்டுள்ளன. தி.மு.க. கட்சியில் பழனி, ஆத்தூர், நிலக்கோட்டை மற்றும் திண்டுக்கல் ஆகிய சட்டமன்றத் தொகுதிகள் திண்டுக்கல் கிழக்கு மாவட்டத்திலும், ஒட்டன்சத்திரம், வேடசந்தூர் மற்றும் நத்தம் ஆகிய சட்டமன்றத் தொகுதிகள் மேற்கு மாவட்டமாகவும் பிரிக்கப்பட்டுள்ளன. தி.மு.க. கட்சியின் கிழக்கு மா.செ-வாக ஐ.பி.செந்தில்குமாரும், மேற்கு மாவட்டத்திற்கு அமைச்சர் சக்கரபாணியும் மா.செ.வாக நியமிக்கப்பட்டுள்ளனர். மாவட்டத்தில் ஐ.பெரியசாமி மற்றும் சக்கரபாணி ஆகியோர் அமைச்சர்களாக பணியாற்றி வருகின்றனர்.