કર્તવ્ય નિભાવવાનો સંતોષ

બૅન્કમાં, બાજારમાં ને સ્કૂલ કે વ્યવહારમાં બાપ આખી જિંદગીમાં કેટલો ખર્ચાય છે!

- હિતેન આનંદપરા

મા-બાપ વગરનાં સંતાનોનું જીવન કેવું મા વીતતું હશે એ વિચારમાત્રથી જ કંપી જવાય. મા અથવા બાપમાંથી એક જણ ન હોય તોય બાળકની જિંદગી પર એની વિપરીત અસર પડે. બાળવયમાં વર્તાતી પ્રેમ અને સલામતીની ઊણપ આખી જિંદગી પર એક મોટો ઉઝરડો પાડી શકે.

આજકાલ બાળઉછેરના માપદંડ બદલાયા છે.પહેલાંના સમયમાં બાળક ના ઉછેરનું કર્તવ્ય મુખ્યત્વે માતાનું રહેતું અને બાપ આર્થિક જવાબદારી નું વહન કરતો. આજે એકવીસમી સદીમાં યંગ પેરન્ટ્સ બન્ને વર્કિંગ હોય તો ઉછેરનું કામ યોગ્ય વિભાજન માગી લે છે. આજનો યુવાન બાપ બને ત્યારે એ ડાઈપર બદલતાં પણ શીખી જાય અને બાળકને એકલપેટે સંભાળતાં પણ શીખી જાય. દાયકાઓ સાથે સંજોગો બદલાય, પણ માતૃત્વ કે પિતૃત્વ તે યથાવત્ જ રહેવાનાં. ઈશ્વરે કેટલીક શાશ્વત ભાવના આપી જે આ સૃષ્ટિને ધબકતી રાખે છે.