ઉદાસી અને ડિપ્રેશન વચ્ચેનો તફાવત સમજો..

એક છે આપણી માનવસહજ લાગણી તો બીજી છે એક અવ્યક્ત વ્યાધિ.

- ડૉ. અપર્ણા દેશમુખ

શું તમારી કોઈ નજીકની વ્યક્તિએ તમને કહ્યું છે કે એને ડિપ્રેશન છે? એ વખતે તમારો પ્રતિભાવ શું હતો? શક્ય હોય કે તમે એમ કહ્યું હોય કે મારા મનનું ધાર્યું ન થાય કે મારી સાથે કંઈ ખોટું થાય ત્યારે હું પણ ઉદાસી અનુભવું છું. આમ કહીને કદાચ તમે એમને સાંત્વન આપો અને એનો બોજ હળવો કરો.

- પણ જો તમારો ઉત્તર આવો જ હોય તો તમે એવી હજારો વ્યક્તિમાંથી એક છો, જેમને એમ લાગે છે કે ઉદાસી અને ડિપ્રેશન એ બન્ને એક જ સ્થિતિનાં બે નામ છે. આમાં કોઈ આશ્ચર્યની વાત જ નથી. હકીકતમાં જેટલી ગેરસમજ દુનિયામાં ડિપ્રેશન માટે છે એટલી બીજી કોઈ બીમારી માટે નથી! 

આટલું જ નહીં, ઘણા લોકો તો ડિપ્રેશન અને ઉદાસીને સરખાવી પીડિત વ્યક્તિને જ્ઞાન આપવાનું પણ શરૂ કરી દે છે કે ફલાણું ખાવ અને ઢીંકણું વાંચો, સારો થઈ જશે અને ઉદાસી ભાગી જશે! પોતાની જાતને આવી બાબતોના નિષ્ણાત સમજતા સલાહકારોને મારી એક જ વિનંતી છે કે આજનો લેખ બારીકાઈથી વાંચજોજ્ઞાન આપવાનું બંધ કરી એક હકીકત સમજી લેજો કે ઉદાસી અને ડિપ્રેશન એક નથી. આ બન્નેના ફરક આજે આપણે સમજી લઈએઃ