કભી સ્ટ્રગલર.. કભી સ્ટાર

શાહરુખ-દીપક તિજોરી: કુંદન શાહ દિગ્દર્શિત 'કભી હાં કભી ના’માં.

- રઘુ જેટલી

રઘુ આ લખી રહ્યો છે ત્યારે (મંગળવાર, ૨૮ ફેબ્રુઆરીએ) સોશિયલ મિડિયા પર શાહરુખ ખાન પઠાનની સફળતા ઉપરાંત પોતાની એક એવી ફિલ્મ વિશે વાત કરી રહ્યો છે, જેના માટે એને સ્પેશિયલ પ્યાર છે. એ ફિલ્મ એટલે ૧૯૯૪ની પચ્ચીસ ફેબ્રુઆરીએ રિલીઝ થયેલી કભી હાં કભી ના, જેના ડિરેક્ટર હતા આપણા કુંદનભાઈ શાહ, જેમણે ૨૦૧૭ના ઑક્ટોબરમાં આ દુનિયામાંથી કાયમ માટે એક્ઝિટ લીધી.

ત્રીસમા વર્ષમાં પ્રવેશેલી આ ફિલ્મમાં એક એવા લડકાની કહાની હતી, જે એક છોકરીના પ્યારમાં પડે છે. છોકરી કોઈ બીજા લડકાને ચાહે છે, પણ આ છોકરો (શાહરુખ ખાન) એ છોકરી (સૂચિત્રા કૃષ્ણમૂર્તિ) અને એના પ્રેમી (દીપક તિજોરી) વચ્ચે ભંગાણ પડાવી છોકરીને પટાવવાની તનતોડ મહેનત કરે છે.