વિશાલ જેઠવા: દીવથી પ્રગટેલો દીવડો મનોરંજનસૃષ્ટિમાં રોશન..

ઘૂઘવતા ઘોઘલા દરિયાકાંઠાના દીવમાં જન્મેલા વિશાલ અને એના પરિવારે સતત અછત, ગરીબીનો સામનો કરવા મુંબઈની વાટ પકડી. અહીં જેઠવાપરિવારે નાળિયેરપાણી અને સિંગ-ચણા વેચવાથી લઈને ભરતકામ, સીવણકામ, લગ્નસમારંભમાં મહેમાનોને ભોજન પીરસવા જેવાં છૂટક કામ કર્યાં

- 

તમે રાણી મુખરજીને સિનિયર પોલીસ ઑફિસર શિવાની રૉય તરીકે ચમકાવતી મર્દાની-ટુ જોઈ હશે તો એનો યુવા વિલન યાદ હશે. એટલો ખતરનાક, એટલો જુલમી કે પરદામાં ઘૂસી જઈને એને ફટકારવાની અદમ્ય ઈચ્છા જાગે. એ પાત્ર ભજવનારા યુવાનનું નામઃ વિશાલ જેઠવા. મર્દાની-ટુ બાદ વિશાલે નિર્માતા-દિગ્દર્શક વિપુલ એ. શાહની વેબ-સિરીઝ હ્યુમનમાં મંગુના પાત્રમાં કમાલ બતાવી. ત્યાર બાદ રેવતી દિગ્દર્શિત સલામ વેન્કીમાં એણે વેન્કીનું મહત્ત્વનું, હૃદયસ્પર્શી પાત્ર ભજવ્યું, જેમાં એની સહકલાકાર હતી કાજોલ.

ઘૂઘવતા ઘોઘલા દરિયાકાંઠાના દીવમાં જન્મેલા વિશાલ અને એના પરિવારે સતત અછત, ગરીબીનો સામનો કરવા મુંબઈની વાટ પકડી. અહીં જેઠવાપરિવારે નાળિયેરપાણી અને સિંગ-ચણા વેચવાથી લઈને ભરતકામ, સીવણકામ, લગ્નસમારંભમાં મહેમાનોને ભોજન પીરસવા જેવાં છૂટક કામ કર્યાં.