નિષ્ણાતોની નજરે અવનવું

ભવિષ્યમાં બે ‘મશીન’ આપસમાં કાવતરું ઘડીને માણસોનું અહિત પણ કરી શકે.

- 

ઈન્ટરનેટ ઉદ્યોગ સાથે સંકળાયેલી એક મલ્ટિનૅશનલ કંપની તથા એક ભારતીય કંપનીના બે ઉચ્ચાધિકારીએ નામ પ્રકાશિત ન કરવાની શરતે ચિત્રલેખાને 5G વિશે બહુ રસપ્રદ માહિતી આપી, જેમ કે..

ઈતિહાસ જોઈએ તો 1G એ વાયરથી બે ફોનને કનેક્ટ કરતી ટેક્નોલૉજી હતી. 2Gથી આ જોડાણ વાયરલેસ થયું, પણ 3G અને 4G થકી વૉઈસ સાથે ડેટાનું પણ જોડાણ થયું એટલે બે કે વધુ ઉપકરણો એકબીજાથી વાત કરતાં થયાં, પણ એનું સંચાલન માણસે કરવું પડતું. 5G સર્વિસ એ રીતે ચડિયાતી છે કે એક કનેક્શનથી અનેક ઉપકરણો ફોન, ટીવી, ફ્રિજ, વૉશિંગ મશીન અને કાર સુદ્ધાં માનવદખલ વિના કનેક્ટેડ રહેશે. અગાઉથી સૂચના આપીને ડિવાઈસિસને સંચાલિત કરી શકાશે.