બી-૧ સ્ટોક બી-૨ વિઝા મેળવવાની ટિપ્સ

બિઝનેસમેનો બી-૧ વિઝા ઉપર અમેરિકામાં પ્રવેશીને બિઝનેસ કરી નથી શકતા. તેઓ ફક્ત ત્યાંના બિઝનેસમેનોને મળી શકે છે. એમનો માલ ખરીદવાનો ઑર્ડર આપી શકે છે. પોતાનો માલ વેચવાનો ઑર્ડર લઈ શકે છે

- ડો.સુધીર શાહ

અમેરિકાના વિઝા માટે સૌથી વધુ અરજીઓ ભારતમાંથી જ થાય છે. એમાં પણ એના જે નોન ઇમિગ્રન્ટ ક્ષેણીના બી-૧ યા બી-૨ વિઝા છે એની તો સૌથી વધુ અરજીઓ થાય છે. એથી જ એ પ્રકારના નોન ઇમિગ્રન્ટ વિઝા સૌથી વધુ નકારાય પણ છે.

ગુજરાતના વિઝાના અરજદારો જ્યારે બી-૧ યા બી-૨ના ઇન્ટરવ્યૂ માટે જાય છે ત્યારે તેઓ બધું જ બરાબર હોય તે છતાં પણ ખૂબ ગભરાતા હોય છે. અંગ્રેજી આવડતું હોય તોપણ અમને અમેરિકનોના અંગ્રેજી ઉચ્ચારો સમજ નહીં પડે એવું વિચારીને ગુજરાતીમાં ઇન્ટરવ્યૂ આપતા હોય છે.

બી-૧ સંજ્ઞા બિઝનેસ વિઝાની છે. બી-૨ સંજ્ઞા વિઝિટર્સ વિઝાની છે. અમેરિકામાં પ્રવેશતા આ બંને વિઝા ઉપર જે સ્ટેટસ મળે છે, જે કાર્ય કરવાની છૂટ મળે છે એ લગભગ સરખી હોય છે. એટલે આમાંના કોઈ પણ પ્રકારના વિઝાની માગણી કરતા આ બંને વિઝા એકસાથે જ આપવામાં આવે છે. બી-૧બી-૨ વિઝાની સૌથી વધુ માંગ ભારતમાં જ થાય છે. સૌથી વધુ આ જ પ્રકારના વિઝા નકારાય પણ છે. આથી આ પ્રકારના વિઝાની અરજી કરતાં પહેલાં અમેરિકાના ઇમિગ્રેશનના કાયદાના નિષ્ણાત ઍડ્વોકેટની કાયદાકીય સલાહ મેળવવી હિતાવહ છે.