“ഓഹരിയിൽ നേട്ടം കൊയ്യാൻ നിർമിത ബുദ്ധി ഉപയോഗിക്കാം

ഇന്ത്യൻ ഓഹരി വിപണിയിൽ ആർട്ടിഫിഷ്യൽ ഇന്റലിജൻസിന്റെ സ്വാധീനം' എന്ന വിഷയത്തിൽ സെമിനാർ പരമ്പരയുമായി മനോരമ സമ്പാദ്യവും കോട്ടക് ഷെയർവെൽത്ത് സെക്യൂരിറ്റീസും.

- 

ഓഹരികൾ തിരഞ്ഞെടുത്തു നിക്ഷേപിക്കാനും ഇടപാടു നടത്താനും നിർമിത ബുദ്ധി (എഐ) യുടെ സാധ്യതകൾ ഉപയോഗപ്പെടുത്തിയാൽ മികച്ച നേട്ടം കൊയ്യാൻ സാധാരണക്കാർക്കും സാധിക്കും. പറയുന്നത് കോട്ടക് ഷെയർവെൽത്ത് സെക്യൂരിറ്റിസിന്റെ മാനേജിങ് ഡയറക്ടർ രാമകൃഷ്ണൻ ടി.ബി (രാംകി). നിർമിത ബുദ്ധിയിൽ മികച്ച നിക്ഷേപം നടത്തുന്ന കമ്പനികളുടെ ഓഹരികൾ ഭാവിയിൽ മികച്ച നേട്ടം തരുമെന്നതിനാൽ അവ കണ്ടെത്തി നിക്ഷേപിക്കാൻ ശ്രദ്ധിക്കണമെന്നും അദ്ദേഹം കൂട്ടിച്ചേർത്തു.

മലയാള മനോരമ സമ്പാദ്യവും ഷെയർവെൽത്തും ചേർന്നു സംഘടിപ്പിച്ച ഇന്ത്യൻ ഓഹരി വിപണിയിൽ ആർട്ടിഫിഷ്യൽ ഇന്റലിജൻസിന്റെ സ്വാധീനം' എന്ന സെമിനാർ പരമ്പരയുടെ ഭാഗമായി കൊച്ചിയിൽ സംസാരിക്കുകയായിരുന്നു അദ്ദേഹം.