മാലിന്യ സംസ്കരണവും വീടിനകത്തെ പരിസ്ഥിതിയും

ശരിയായ മാലിന്യ നിർമാർജനവും ആരോഗ്യം പകരുന്ന നിർമാണവും ഹരിതഭവനങ്ങളുടെ അവിഭാജ്യ ഘടകങ്ങളാണ്

- 

പരിസ്ഥിതിയെ സംരക്ഷിക്കുന്നതിന് ജീവിതചക്രം മുഴുവൻ ആഘാതം കുറയ്ക്കുന്ന രീതിയിൽ രൂപകൽപന ചെയ്തിട്ടുള്ളതാണ് ഹരിത ഭവനങ്ങൾ. ഇതിൽ മാലിന്യ സംസ്കരണം ഒരു അവിഭാജ്യ ഘടകമാണ്.

ഡിസൈനിലേ തുടങ്ങാം

നിർമാണത്തിലും ദൈനംദിന ജീവിത ത്തിലും ഉൽപാദിപ്പിക്കപ്പെടുന്ന മാലിന്യ ത്തിന്റെ അളവും ലാൻഡ്ഫിൽ (landfill) ഉപയോഗവും കുറയ്ക്കുന്നതിന് ശ്രദ്ധ ചെലുത്തേണ്ടതാണ്. പാരിസ്ഥിതിക ആഘാതം കുറയ്ക്കുന്നതിനുവേണ്ടി കം പോസ്റ്റിങ്, വസ്തുക്കളുടെ പുനരുപ യോഗം തുടങ്ങിയ രീതികൾ പ്രോത്സാ ഹിപ്പിക്കുന്നതാണ് ഹരിത രീതികൾ.

നിർമാണ സമയത്തുണ്ടാകുന്ന മാലിന്യങ്ങൾ കുറയ്ക്കാൻ പല കാര്യങ്ങൾ ശ്രദ്ധിക്കണം. മെറ്റീരിയൽ തിരഞ്ഞെടുക്കുമ്പോൾ പുനരുപയോഗിക്കാവുന്ന തും പ്രാദേശികമായി ലഭിക്കുന്നതുമായ വസ്തുക്കൾ ഉപയോഗിക്കാം. അതുപോ ലെത്തന്നെ, മോഡുലാറും പ്രീഫാബിക്കേറ്റഡും ആയ ഘടകങ്ങൾ നിർമാണ സ്ഥലത്തെ (on site) മാലിന്യം കുറയ്ക്കുന്നു. ഈ ഘടകങ്ങൾ എളുപ്പത്തിൽ വേർപ്പെടുത്തുന്നതിനും പുനരുപയോഗിക്കുന്നതിനും അനുവദിക്കുന്ന രീതിയിലാണ് രൂപകൽപന ചെയ്തിരിക്കുന്നത്. വീടിന്റെ പണി നടക്കുന്ന സമയത്ത് ലോഹം, കോൺക്രീറ്റ്, മരം, പ്ലാസ്റ്റിക്, അപകടകരമായ മാലിന്യങ്ങൾ എന്നിവ ശരിയായി വേർതിരിച്ചാൽ അവ പുനരുപയോഗത്തിനോ ഉചിതമായ നിർമാർജനത്തിനോ സഹായിക്കുന്നു.

ഉപയോക്താക്കളെ സംബന്ധിച്ചിടത്തോളം ഗാർഹിക മാലിന്യസംസ്കര ണം പ്രധാനമാണ്. ആദ്യമായി വീടിനു ള്ളിൽ ജൈവവിഘടനം ചെയ്യാവുന്നതും പുനരുപയോഗിക്കാവുന്നതും പുനരുപയോഗിക്കാനാവാത്തതുമായ മാലിന്യങ്ങൾക്ക് പ്രത്യേക ബിന്നുകൾ നൽകണം. വീട്ടിലുള്ള പേപ്പർ, പ്ലാസ്റ്റിക്, ഗ്ലാസ്, ലോഹം എന്നിവ സംഭരിക്കുന്നതിന് നിയുക്ത സംഭരണ സ്ഥലം നൽകണം.