இனி வாழ்க்கை இனிக்கும்!

அகிலா இருபத்தி ஒன்பது வயது. மாநிறம். பார்க்க மகாலட்சுமியை போல இருப்பவள் அவள் பெயரிலே டைப்ரைட்டிங் இன்ஸ்டிடியூட் வைத்து நடத்திக் கொண்டிருந்தாள். மாதந்தோறும் தன் வருமானத்தில் பெரும் பகுதியை ஒரு முதியோர் இல்லத்திற்கும், மாற்றுத் திறனாளிகள் இல்லத்திற்கும் கொடுத்து வந்தாள்.

- கவிமுகில் சுரேஷ்

அவளுடைய பெற்றோர்கள் கரகூர் எனும் கிராமத்தில் இரண்டு ஏக்கர் நிலத்தில் விவசாயம் செய்து வந்தனர்.

அந்த கரகூர் கிராமம் அகிலாவுக்கு ஏனோ பிடிக்காமல் போய்விட்டது. அதற்காக கிராமத்தை குறை சொல்லி விட முடியாது.

அங்கே.. அவளுக்கு ஏற்பட்ட கசப்பான அனுபவங்கள் தான் அவளை அங்கே இருக்க விடாமல் பட்டணத்தை நோக்கி துரத்தியது.

இவள் இந்த பட்டணத்திற்கு குடியேறி இருக்கும் விஷயம் அவளின் கிராம மக்கள் எவருக்கும் தெரியாது ஏன் அவளைப் பெற்றவர்களுக்கும் உற்றார் உறவினர்களுக்கும் கூட தெரியாது.

பல இடங்களில் அவளை பெற்றோர்கள் தேடி அலைந்து கடைசியில் அவர்கள் ஒரு முடிவுக்குள் வந்தார்கள் காணாமல் போன தன் மகள் குறித்து செத்துப் போய் இருப்பாள் என்பதே.