ആഹാരസമൃദ്ധി ആരോഗ്യരഹസ്യം

മിനി പോളിഹൗസിലൂടെ വർഷം മുഴുവൻ പച്ചക്കറി ഉറപ്പാക്കിയ കുടുംബം

- 

കൂട്ടിലടച്ചു വളർത്തുന്ന മത്സ്യങ്ങളും പച്ചക്കറിയും, സ്വന്തമായി സ്വീവിജ് ട്രീറ്റ്മെന്റ് പ്ലാന്റ്, ബയോഗ്യാസ് യൂണിറ്റ്, സൗരോർജ വൈദ്യുതി-കൊല്ലം ഉളിയക്കോവി ലിൽ അഷ്ടമുടിക്കായലിന്റെ തീരത്ത് രണ്ടു വർഷം മുൻപ് പുത്തൻ വീടു പണിതു താമസമാക്കിയപ്പോൾ ശ്രീകുമാറും ഷീലയും സുസ്ഥിര ആശയങ്ങൾ നിറഞ്ഞ ഹരിതജീവിതമാണ് ആഗ്രഹിച്ചത്. “ഈ പുരയിടത്തിൽ നിന്ന് ഒരു തുള്ളി മാലിന്യം പോലും കായലിലേക്ക് ഒഴുക്കരുതെന്ന് ഞങ്ങൾക്കു നിർബന്ധമുണ്ടായിരുന്നു'', ശ്രീകുമാർ പറഞ്ഞു. അതുകൊണ്ടുതന്നെ ടോയ്‌ലറ്റ് മാലിന്യമുൾപ്പെടെ സംസ്കരിക്കാനും ജലം പുനരുപയോഗിക്കാനുമായി വിപുലമായ സംവിധാനം ഏർപ്പെടുത്തി. കായലിലെ ജലം കണ്ണാടിപോലെ കിടക്കണമെന്നാണ് ആഗ്രഹം. തീരത്തു താമസിക്കുന്നവർ ഉത്സാഹിച്ചാലേ അതു സാധ്യമാകൂ. ഇക്കാര്യത്തിൽ മാതൃകയാകണമെന്നു തോന്നി അദ്ദേഹം പറഞ്ഞു.