ഇഞ്ചിക്കൃഷിക്കു ഭീഷണി പുതിയ കുമിൾരോഗം

നടുന്ന വിത്ത് രോഗവിമുക്തമാണെന്ന് ഉറപ്പാക്കുകയാണു പ്രധാന നിയന്ത്രണമാർഗം

- രാഹുൽ രാജ് എം, സുചിത്ര ബി

ഇഞ്ചിയുടെ ഇലകളിൽ കറുപ്പ് അല്ലെങ്കിൽ കടും ഒലിവ് നിറത്തിലുള്ള കാണുന്നതാണ് ആദ്യ ലക്ഷണം.

കഴിഞ്ഞ വർഷം കർണാടകയിലെ കുടകു ജില്ലയിലെ ചില ഭാഗങ്ങളിൽ ഇഞ്ചിക്കൃഷിയെ സാരമായി ബാധിച്ച പുതിയ കുമിൾരോഗം ഇപ്പോൾ കേരളത്തിലെ, വിശേഷിച്ച് മലയോര മേഖലയിലെ ഇഞ്ചിക്കർഷകർക്കു കനത്ത ഭീഷണിയായി മാറുന്നു. ജിഞ്ചർ ബ്ലാസ്റ്റ് എന്ന് അറിയപ്പെടുന്ന ഈ രോഗം പരത്തുന്നത് പൈറിക്കുലേറിയ ഇനത്തിൽപെട്ട ഒരു കുമിളാണ്. അരി, ഗോതമ്പ്, ബാർലി തുടങ്ങിയ വിളക ളിൽ ബ്ലാസ്റ്റ് രോഗം ഉണ്ടാക്കാറുള്ള കുമിളാണ് പൈറിക്കുലേറിയ, ഇഞ്ചിയിൽ ഈ രോഗാണു മൂലമുള്ള നാശം കേരളത്തിൽ ആദ്യമായാണ് കാണുന്നത്.