അളന്നു നേടിയത് കോടികൾ ആനുകൂല്യമായി ലക്ഷങ്ങൾ

ക്ഷീരോൽപാദകരുടെയും ഉപഭോക്താക്കളുടെയും താൽപര്യം ഒരുപോലെ സംരക്ഷിച്ചുകൊണ്ട് ഉയരങ്ങളിലേക്കു കുതിക്കുകയാണ് സുൽത്താൻ ബത്തേരി കോ-ഓപ്പറേറ്റീവ് മിൽക്ക് സപ്ലൈ സൊസൈറ്റി

- 

ഒരു ക്ഷീരസംഘത്തിലെ അംഗങ്ങൾക്ക് അധികവിലയായി മാത്രം 4.13 കോടി രൂപ കിട്ടിയെങ്കിൽ അവരുടെ പ്രവർത്തനം എത്ര മികവുറ്റതാണ്! അധികവില മാത്രമല്ല, ലക്ഷക്കണക്കിനു രൂപയുടെ മറ്റ് ആനുകൂല്യങ്ങളും നൽകുന്ന വയനാട്ടിലെ സുൽത്താൻ ബത്തേരി കോഓപ്പറേ റ്റീവ് മിൽക്ക് സപ്ലൈ സൊസൈറ്റി കർഷക കൂട്ടായ്മകൾക്ക് മാതൃകയും പ്രചോദനവുമാണ്. മിൽമയുടെ വിപണന പിന്തുണയില്ലാതെയാണ് ഈ നേട്ടം. ആരുടെയും സഹായത്തിനായി കാക്കാതെ സ്വന്തമായി വളരാൻ ശ്രമിച്ചതാണ് സംഘത്തിന്റെ വിജയരഹസ്യമെന്ന് പ്രസിഡന്റ് കെ. കെ. പൗലോസ്.