പാട്ടിന്റെ രാഷ്ട്രീയം

വഴിവിളക്കുകൾ

-  രശ്മി സതീഷ്

പാറശ്ശാല സർക്കാർ ഗേൾസ് സ്കൂൾ, ആറാം ക്ലാസിലെ കുട്ടികളുടെ നോട്ട്ബുക്ക് പരിശോധിക്കുകയായിരുന്ന ഏലിയാസ് സാർ പെൺകുട്ടികളുടെ വരിയിൽനിന്ന് ഒരു മൂളിപ്പാട്ട് കേട്ടു. ആ പെൺകുട്ടിയെ അദ്ദേഹം അരികിലേക്കു വിളിച്ച് ഒരു കവിത കൂടി പാടിച്ചു. അത് ഞാനായിരുന്നു. അതു വരെ സ്കൂളിലെ മത്സരങ്ങളിലൊന്നും പങ്കെടുക്കാതെ മാറി നടന്നിരുന്ന ഞാൻ അക്കൊല്ലം മാഷിന്റെ നിർബന്ധത്തെ തുടർന്ന് യുവജനോത്സവത്തിന് പേരു നൽകി. അതായിരുന്നു ജീവിതത്തിലെ ആദ്യത്തെ വഴിത്തിരിവ്.