നടനവിസ്മയം

ഡൗൺ സിൻഡ്രോമിനെ തോൽപിച്ച് ഭരതനാട്യത്തിൽ വിസ്മയം തീർക്കുകയാണ് വിഷ്ണു അമർനാഥ് എന്ന ഇരുപത്തേഴുകാരൻ

- ഗീത അമർനാഥ്

ജില്ലാ യുവജനോത്സവവേദിയിൽ ചേച്ചി അപർണ അമർനാഥ് കേരളനടനം നൃത്തം ചെയ്യുമ്പോൾ സദസ്സിലിരുന്ന് വിഷ്ണു മുദ്രകൾ കാണിക്കാൻ തുടങ്ങി. അന്ന് അവന് അഞ്ചു വയസ്സായിരുന്നു. ഭിന്നശേഷിയുള്ള ഒരു കുട്ടിയുടെ ആ കൗതുകവും താൽപര്യവും അന്നത്തെ ചില പത്രങ്ങളിൽ ഫോട്ടോയായി അച്ചടിച്ചു വന്നു. അതായിരുന്നു നൃത്തത്തിൽ വിഷ്ണുവിനു ലഭിച്ച ആദ്യ പ്രോത്സാഹനം. പിന്നീടു നൃത്തത്തിൽ അവൻ താണ്ടിയ ദൂരവും നേടിയ മികവും ഞങ്ങളെ ആശ്ചര്യപ്പെടുത്താറുണ്ട്.