7 கண்டங்கள்...7 உயரமான சிகரங்கள்...சாதித்த தமிழகப் பெண்!

முத்தமிழ்செல்விக்கு எந்த அறிமுகமும் தேவையில்லை. பல வரலாற்று சாதனைகளைத் தன்னகத்தே கொண்டுள்ளதால் இப்போது உலகம் அறிந்த ஒரு நபராக மாறியிருக்கிறார்.

- 

ஏனெனில், ஏழு கண்டங்களில் உள்ள ஏழு உயரமான மலைச் சிகரங்களை குறுகிய காலத்தில் தொட்ட முதல் இந்தியப் பெண் என்ற வரலாற்றுச் சாதனையைப் படைத்திருக்கிறார் அவர்.

அதுமட்டுமல்ல. இந்த ஏழு சிகரங்களையும் தொட்ட முதல் தமிழ்ப் பெண்ணும் இவர்தான். இதனை வெறும் இரண்டு ஆண்டுகளில் செய்து இந்தியாவிற்கும் தமிழகத்திற்கும் பெருமையைத் தேடித்தந்திருக்கிறார்.

மாவட்டத்துல உள்ள ஜோஹில்பட்டி என்ற குக்கிராமம். நான் வளர்ந்ததெல்லாம் கடலூர்ல. பள்ளியில் படிக்கும் போது அதலெட்டாக இருந்தேன். 400 மீட்டர் ரன்னிங், ஹை ஜம்ப், ஷட்டில், த்ரோ பால்னு எல்லாவற்றிலும் இருந்திருக்கேன். மாவட்ட அளவில் வெற்றியும் பெற்றிருக்கேன்.

பள்ளிப் படிப்பு முடிச்சதும் 18 வயதில் திருமணமாகி சென்னைக்கு வந்தேன். இப்ப ரெண்டு பெண் குழந்தைகள் இருக்காங்க. குழந்தைங்க கொஞ்சம் வளர்ந்து பள்ளிக்குப் போனதும் தொலைதூரக் கல்வி மூலம் பி.சி.ஏ. இளங்கலை படிச்சுக்கிட்டே ஜப்பானீஸ் மொழியும் கத்துக்கிட்டேன். ஜப்பானீஸில் இன்டர் மீடியட் வரை பாஸ் பண்ணினேன். அப்புறம், ஜப்பானீஸ் மொழி ஆசிரியராக இருந்தேன்.

பிறகு ஒரு எம்என்சி கம்பெனியில் வேலை கிடைச்சது. என் கணவர் வெளிநாட்டில் வேலை செய்றார். இந் நேரம் என் சின்ன வயசு தோழி, 'எனக்கு வேலைக்குப் போகணும்னு ஆசையாக இருக்கு. ஆனா, குடும்பத்தில் உள்ளவங்க என்ன சொல்வாங்கனு தெரியல. பசங்களையும் கவனிக்க வேண்டியிருக்கு' என்றாள்.

அவளுக்கு வீட்டுல சொல்ல தயக்கம். அப்பதான் எத்தனையோ பெண்கள் தங்கள் ஆசைகளை ஒளிச்சு வைச்சிருக்காங்கனு புரிஞ்சுது. ஒவ்வொரு பெண்ணுக்கும் பின்னால் ஒரு ஆண், அது அப்பாவாகவோ, அண்ணனாகவோ, கணவராகவோ 'நாங்க இருக்கோம்'னு சொன்னால் எவ்வளவு தைரியம் கிடைக்கும்?! பயணமும் தொடங்குச்சு...” என்கிற முத்தமிழ்ச்செல்வி அவற்றை அடுக்கினார்.

“உடனே மலையேற்றப் பயிற்றுநர் கிட்ட போய் கேட்டேன். அவர் ராப் பெல்லிங் (Rappelling) பண்ணுங்கனு சொன்னார். அதாவது கயிற்றைக் கட்டிக்கிட்டு இறங்குறது. அதனை பொதுவாகப் பண்ணினால் நல்லாயி ருக்காதுனு கண்ணை மூடிக்கொண்டு செய்தேன்.