படிக்க வைக்கறோம்...எழுத வைக்கறோம்... அச்சிட்டுத் தர்றோம்!

தமிழ்நாட்டு பள்ளிக்கல்வித் துறையின் சபாஷ் முயற்சி

- த.சக்திவேல்

மூன்றாவது படிக்கிறாள், அபி. அவளின் தோழி மூன்று ஸ்ட்ரா பெரி பழங்கள் தருகிறாள். வீட்டுக்கு வந்த அபி, அம்மாவிடம் காட்டுகிறாள். பின் அவளே சாப்பிட்டு விடுகிறாள்.

அம்மா யதேச்சையாக ஸ்ட்ராபெரி பிடிக்கும் எனச் சொல்ல, அபிக்கு அதிர்ச்சி. அடுத்து என்ன செய்கிறாள்- என்பதே 'என் அம்மாவுக்குப் பிடிக்கும்’ கதை.

இதை எழுதியவர், அரசுப்பள்ளி மாணவியான அபிநயஸ்ரீ. இதுபோன்ற பல கதைகளை 'வாசிப்பு இயக்கத்'தின் மூலம் புத்தகமாக்கி, வெளியிட்டு வருகிறது, தமிழ்நாடு பள்ளிக்கல்வித்துறை.

தமிழக அரசு முன்னெடுத்திருக்கும் முக்கியமான திட்டம் இது.

கடந்த ஜூலை 21, 2023ல், திருச்சி மாவட்டத்திலுள்ள பொன்னுசங் கம்பட்டி ஊராட்சி ஒன்றிய நடுநிலைப்பள்ளியில் வாசிப்பு இயக்கத்தைத் தொடங்கி வைத்தார், பள்ளிக்கல்வித்துறை அமைச்சர் அன்பில் மகேஸ் பொய்யாமொழி.

வாசிப்பு இயக்கத்தின் ஆரம் பம், அதன் நோக்கம், எதிர்கால திட்டங்கள் குறித்து நம்மிடம் பகிர்ந்தார் முத்துக்குமாரி. விடத் தக்குளம் அரசு உயர்நிலைப் பள்ளியில் ஆசிரியையாக பணி புரிந்து வரும் இவர், வாசிப்பு இயக்கத்தின் படைப்புக்குழுவி லும் இயங்கி வருகிறார்.

“கொரோனா காலத்துக்குப் பிறகு மாணவர்களின் வாசிப் புத்திறன் மேம்பாட்டுக்கான தொடர் முயற்சிகள் பள்ளிக்கல் வித்துறையால் மேற்கொள்ளப் பட்டு வருகின்றன. அதன் ஒரு பகுதிதான் வாசிப்பு இயக்கம்...” என்று ஆரம்பித்த முத்துக்குமாரி, வாசிப்பு இயக்கத்தின் உருவாக் கத்தைப் பற்றியும் பகிர்ந்தார்.

"வாசிப்புத்திறன் வளர பாடப் புத்தகங்கள் மட்டுமே போதாது. கதைப் புத்தகங்களைப் படிப்பதன் வழியாக வாசிப்பை மேம்படுத்த முடியும். அதேசமயம் நாம் வாசிக் கத்தரும் கதைப் புத்தகம் எளிமையாக இருக்க வேண்டும்.