നഴ്സിങ് പഠനം: ഡിപ്ലോമ മുതൽ പിഎച്ച്ഡി വരെ

കേരളത്തിലും ഇന്ത്യയിൽ പരക്കെയും വിദേശത്തുമൊക്കെ വലിയ ജോലിസാധ്യതയുള്ള നഴ്സിങ്ങിന്റെ വിവിധ പഠനമേഖലകളും പഠനാവസരങ്ങളും അടുത്തറിയാം

- ബി.എസ്.വാരിയർ

ആതുരസേവാരംഗത്തെ കാരുണ്യത്തിന്റെ മുഖമാണു നഴ്സിങ്. മനുഷ്യന്റെ ജനനം മുതൽ മരണം വരെ കരുണയുടെയും കൈത്തങ്ങിന്റെയും കൂടെയുള്ള പ്രഫഷൻ. ഇന്ത്യയിലും വിദേശത്തും വലിയ ജോലിസാധ്യതയുള്ള പഠനമാർഗം.

നഴ്സിങ് പഠനത്തിലേക്കു കടക്കാനും പല തലങ്ങളി ലും മികവു പുലർത്താനും സഹായകമായ പല യോഗ്യതകളുമുണ്ട്. അവ പരിശോധിക്കാം.

ഓക്സിലിയറി നഴ്സിങ് & മിഡ്വൈഫറി കോഴ്സ് (ANM): 2 വർഷം. ഏതെങ്കിലും വിഷയങ്ങളെടുത്ത് പ്ലസ് ടു/തുല്യ പരീക്ഷ ജയിച്ച പെൺകുട്ടികൾക്കാണ് അവസരം. പ്രായം: 17-35. തിരുവനന്തപുരം, തലയോലപ്പറമ്പ്, പെരിങ്ങോട്ടുകുറിശ്ശി (പാലക്കാട്), കാസർകോട്ടെ ജൂനിയർ പബ്ലിക് ഹെൽത്ത് നഴ്സിങ് സെന്ററുകളിൽ പഠനസൗകര്യമുണ്ട് (www.dhs.kerala.gov.in).

ജനറൽ ജനറൽ നഴ്സിങ് & മിഡ്വൈഫറി പ്രോഗ്രാം (GNM): 3 വർഷം. ഫിസ്ക്സ്, കെമിസ്ട്രി, ബയോളജി എന്നിവ ഐച്ഛികമായി 40% മാർക്കോടെ പ്ലസ് ടു ജയിച്ചവർക്കാണ് അവസരം. പിന്നാക്ക, ഭിന്നശേഷി വി ഭാഗക്കാർക്കു 35% മാർക്ക് മതി. പട്ടികവിഭാഗക്കാർ പ്ലസ് ടു ജയിക്കണമെന്നേയുള്ളൂ. ഈ വിഷയങ്ങൾ പഠിച്ചു ജയിച്ചവർ വേണ്ടത്രയില്ലെങ്കിൽ മറ്റു വിഷയക്കാരെയും പരിഗണിക്കും. ഉയർന്ന പ്രായമില്ല. കേരളത്തിൽ 14 ജില്ലയിലും ഓരോ സ്കൂളുകൾക്കു പുറമേ, കൊല്ലത്ത് (ആശ്രാമം) പട്ടികവിഭാഗക്കാർക്കു മാത്രമായും സ്കൂളുണ്ട്. ആൺകുട്ടികൾക്കും അപേക്ഷിക്കാം (www.dhs.kerala.gov.in).

ബിഎസ്സി ബേസിക്) നഴ്സിങ്: 4 വർഷം. ബയോളജി, ഫിസിക്സ്, കെമിസ്ട്രി എന്നിവയ്ക്ക് മൊത്തം 50% മാർക്കോടെ പ്ലസ് ടു ജയിക്കണം.

ബിഎസ്സി പോസ്റ്റ് ബേസിക് നഴ്സിങ്: ജിഎൻഎംകാർക്ക് 24 മാസത്തെ പഠനം വഴി ബിഎസ്സി നഴ്സി ങ് നേടാൻ സൗകര്യം നൽകുന്ന പ്രോഗ്രാം. ഫിസിക്സ്, കെമിസ്ട്രി, ബയോളജി അടങ്ങിയ പ്ലസ് ടു, 50% മാർ ക്കോടെ ജിഎൻഎം, കൗൺസിൽ റജിസ്ട്രേഷൻ എന്നിവ വേണം. 45 വയസ്സു കവിയരുത്.