അലിവു നിറയും സ്നേഹ സാന്ത്വനം

ഇന്ന് ആൽഫയുടെ പ്രവർത്തനങ്ങൾ മൂന്ന് പതിറ്റാണ്ട് പിന്നിട്ടു. എടമുട്ടത്തെ 15 കിലോമീറ്റർ ചുറ്റളവിൽ നിന്ന് പാലിയേറ്റീവ് കെയറിന്റെ പ്രവർത്തനം ജില്ലകൾ കടന്നു. തൃശ്ശൂരിനു പിന്നാലെ കാസർഗോഡ്, ആലപ്പുഴ, എറണാകുളം ജില്ലകളിൽ ആൽഫ പാലിയേറ്റീവ് കെ യൂണിറ്റുകൾ പ്രവർത്തിക്കുന്നു.

- 

നൂർദീനെപ്പറ്റി പറയാൻ നാട്ടാർക്കു നൂറുനാവാണ്. തുണയില്ലാത്തവർക്ക് പെൻഷൻ. ഓരോ മാസവും ആയിരത്തിലേറെ സൗജന്യ ഡയാലിസുകൾ. നാടാകെ സൗജന്യ പാലിയേറ്റീവ് കെയർ യൂണിറ്റുകൾ. എന്നിങ്ങനെ തിരകളൊഴിയാത്ത കടൽ പോലെയാണ് ഓരോ സഹായങ്ങളും. കരുണ വരളുന്ന നാട്ടിൽ കെ.എം നൂർദീൻ തുടങ്ങി വെച്ച സേവനങ്ങൾക്കു കാലിക പ്രസക്തിയേറുകയാണ്.

ആദ്യത്തെ സ്വകാര്യ പെൻഷൻ

 നാൽപതു വർഷം മുൻപ്, തൃശിവപേരൂരിലെ എടമുട്ടമെന്ന തീരദേശ ഗ്രാമം. കുഞ്ഞക്കനും അംബുജാക്ഷിയമ്മയ്ക്കും അഞ്ചു മക്കൾ. മകൻ രാധാകൃഷ്ണൻ പിറന്നു വീണതേ വൈകല്യവുമായിട്ടായിരുന്നു. പ്രായ പൂർത്തിയാകും വരെ രാധാകൃഷ്ണൻ എഴുന്നേറ്റു നടന്നിട്ടില്ല. മകൾക്കും സമാന രോഗം. വീട്ടിൽ ദാരിദ്രവും രോഗപീഡകളും ഒന്നിനു പിറകെ ഒന്നായി വന്നപ്പോൾ മനം മടുത്ത കുഞ്ഞക്കൻ ജീവനൊടുക്കി. ഇരിക്കാനാവതില്ലാത്ത മകളെയും കൊണ്ടു ജീവിതത്തിനു മുന്നിൽ അംബുജാക്ഷിയമ്മ പകച്ചു നിന്നു. ദിനങ്ങൾ മുന്നോട്ടു പോകുമെന്നറിയാത നിന്ന അംബുജാക്ഷിയമ്മയുടെ കൈവെള്ളയിൽ നൂർദ്ദീൻ ചെറിയൊരു തുക പെൻഷനായി നൽകി. ഇന്നും ആ പെൻഷൻ തുടരുന്നു. കേരളത്തിലെ ആദ്യത്തെ സ്വകാര്യ പെൻഷൻ.. അംബുജാക്ഷിയമ്മയിൽ മാത്രം ഒതുങ്ങി നിന്നില്ല പെൻഷൻ. ദേശമാകെ പരന്നൊഴുകി. നടുവു നിവർത്താനാവാത്തവർക്കും അവസാന കാലങ്ങളിൽ തുണയില്ലാത്തവർക്കും ആശ്രയവും പ്രതീക്ഷയുമായിരുന്നു ആ പെൻഷൻ.

പാലിയേറ്റീവ് കെയർ