മഹീന്ദ്ര XUV 700 ബ്ലാക്ക് എഡിഷൻ 2024

14 ലക്ഷം മുതൽ 24 ലക്ഷം വരെയാണ് വാഹനത്തിന്റെ വിവിധ വേരിയന്റുകളുടെ എക്സ് ഷോറൂം വില.

- 

മഹീന്ദ്രയുടെ പ്രീമിയം വാഹനങ്ങളിലൊന്നായ XUV 700 യുടെ രംഗപ്രവേശം 2021ലായിരുന്നു. മൂന്നുവർഷത്തിനിപ്പുറവും ഏകദേശം ഒരു വർഷത്തോളമാണ് വാഹനത്തിന്റെ ബുക്കിങ് പിരിയഡ് എന്നത് സൂചിപ്പിക്കുന്നത് XUV 700 യുടെ സ്വീകാര്യതയെയാണ്. XUV 500യുടെ പിന്മുറക്കാരനായെത്തിയ വാഹനം രൂപം കൊണ്ടും ഫീച്ചറുകൾ കൊണ്ടും ആധുനികവും ആഢംബരവും ഒത്തുചേരുന്നതാണ്. മഹീന്ദ്ര എന്ന ബ്രാൻഡിൽ ഇന്ത്യക്കാർക്കുള്ള വിശ്വാസം തന്നെയായിരുന്നു XUV 700 യുടെയും മുഖമുദ്ര. പുതിയ ട്വിൻ പീക് ലോഗോ മുതൽ ടെയിൽ ലാമ്പുകൾ വരെ നീളുന്ന പുതുമകളാണ് വാഹനത്തെ ഭംഗിയുള്ളതാക്കുന്നത്.

വലിപ്പമുള്ള ഏതൊരു വാഹനം എടുത്താലും അതിന്റെ ബ്ലാക് നിറത്തിലുള്ള മോഡലുകൾക്ക് ഒരു പ്രത്യേക അഴകാണ്. മിക്ക വാഹന നിർമ്മാതാക്കളും അവരുടെ ബ്ലാക്ക് എഡിഷനുകളും ഡാർക്ക് എഡിഷനുകളും പുറത്തിറക്കാറുണ്ട്. പലപ്പോഴും ടോപ് എൻഡ് വേരിയന്റുകൾക്ക് മാത്രമാണ് ഡാർക്ക് എഡിഷനുകൾ അവതരി പ്പിക്കാറുള്ളൂ എന്നത് സാധാരണയായി വാഹന പ്രേമികൾക്കിടയിൽ കേട്ടുവരുന്ന പരാതിയാണ്. വാഹനപ്രേമികൾക്ക് കറുത്ത നിറത്തോടുള തീവ്രമായ ആഗ്രഹത്തിൽ നിന്നുമാണ് പലപ്പോഴും ഈ പരാതികൾ ഉയരുന്നതെന്നാണ് വസ്തുത.