HERITAGE ICON

650 സിസി സിംഗിൾ സിലിണ്ടർ എൻജിനുമായി ബിഎസ്എ ഗോൾഡ് സ്റ്റാറിന്റെ പുനർജന്മം

- നോബിൾ എം. മാത്യു

ബിഎസ്എ എന്ന പേരുകേട്ടാൽ ഭൂരിപക്ഷം പേരുടെയും മനസ്സിലേക്കോടിയെത്തുക സൈക്കിളിന്റെ രൂപമായിരിക്കും. എന്നാൽ മോട്ടർ സൈക്കിൾ പ്രേമികളെ സംബന്ധിച്ച് ഗൃഹാതുരത്വമുണർത്തുന്ന ഓർമയാണ് ബെർമിങ്ഹാം സ്മോൾ ആംസ് കമ്പനി ലിമിറ്റഡ് എന്ന ബിഎസ്എ. ലോകത്തിലെ ഏറ്റവും പഴക്കം ചെന്ന ബ്രാൻഡുകളിലൊന്ന്. ഒരു കാലത്ത് ലോകത്ത് ഏറ്റവുമധികം വിൽപനയുണ്ടായിരുന്ന മോട്ടർ സൈക്കിളുകൾ നിർമിച്ച കമ്പനി. ബിഎസ്എ നിരയിലെ സൂപ്പർതാരമായിരുന്നു ഗോൾഡ് സ്റ്റാർ.

1949ൽ ആണ് ആദ്യ മോഡൽ വിപണിയിലെത്തുന്നത്. പെർഫോമൻസ് അടിസ്ഥാനപ്പെടുത്തി നിർമിച്ച മോഡലായിരുന്നു ഇത്. 350 സിസിയിലായിരുന്നു തുടക്കം. പിന്നീട് 500 സിസി മോഡലിലേക്കു വളർന്നു. വെയ്റ്റ് ഡിസൈൻ, മികച്ച ഹാൻ ഡിങ്, ഉയർന്ന പെർഫോമൻസ് എന്നീക്കാര്യങ്ങളിൽ അക്കാലത്ത് ടോപ് ആയിരുന്നു ഗോൾഡ് സ്റ്റാർ. അൻപതുകളും അറുപതുകളും ഗോൾഡ് സ്റ്റാറിന്റെ സുവർണ കാലഘട്ടമെന്നു പറയാം. ജാപ്പനീസ് കമ്പനികളുടെ വരവാണ് ഈ ബ്രിട്ടിഷ് ലെജൻഡിന്റെ പ്രഭ കെടു ത്തിയത്. ഒപ്പം സാമ്പത്തിക പ്രശ്നങ്ങളും കമ്പനിയെ ബാധിച്ചതോടെ 63ൽ ഗോൾഡ് സ്റ്റാറിന്റെ പ്രവർത്തനം നിലച്ചു.

മഹീന്ദ്രയുടെ ഉപസ്ഥാപനമായ ക്ലാസിക് ലെജൻഡാണ് ബിഎസ്എ രണ്ടാം ജന്മം നൽകിയത്. ജാവയെയും യെസ്ഡിയെയുമൊക്കെ നിരത്തിലേക്കു വീണ്ടുമെത്തിച്ച അതേ കമ്പനി. 650 സിസി ഗോൾഡ് സ്റ്റാറുമായാണ് ബിഎസ്എയുടെ രണ്ടാം വരവ്. വിശദമായൊന്നു കാണാം...

ഡിസൈൻ