Essayer OR - Gratuit

ROCKING STAR

Fast Track

September 01,2024

ഥാറിന്റെ അഞ്ചു ഡോർ വകഭേദം. സകുടുംബ യാത്രയ്ക്കുതകുന്ന ഥാർ എന്നതാണ് റോക്സിന്റെ വിശേഷണം

- നോബിൾ എം. മാത്യു

എസ് യു വി പ്രേമികളുടെയും ഓഫ്റോഡ് പ്രേമികളുടെയും വികാരവും വിചാരവുമായി മാറിയ വാഹനമാണ് മഹീന്ദ്ര ഥാർ. മരുഭൂമിയിലും മലമ്പാതകളിലും മലമുകളിലും തെല്ലു കൂസാതെ പായുന്ന ജീപ്പിനെ എങ്ങനെ ഇഷ്ടപ്പെടാതിരിക്കും? ഒരു ജനതയെ മുഴുവൻ കണ്ണീരിലാഴ്ത്തിയ പ്രളയത്തലും ഉരുൾപൊട്ടലിലും രക്ഷാകരങ്ങളായി വന്നവർക്കു വഴികാട്ടിയായ ജീപ്പിനെ ആരാധിക്കാതിരിക്കുന്നതെങ്ങനെ? അ വംശപരമ്പരയിലെ ഥാർ എന്ന എസ് യു വിയെ ജനം ഇഷ്ടപ്പെടുന്നത് അതു കൊണ്ടുംകൂടിയാണ്. ഥാറിന്റെ 5 ഡോർ വകഭേദം വരുന്നു എന്നു കേട്ടതുമുതൽ കാത്തിരുന്ന ആരാധകർക്കു മുന്നിലേക്കിതാ ഥാർ റോക്സ് എത്തിയിരിക്കുന്നു. സകുടുംബ യാത്രയ്ക്കുതകുന്ന ഥാർ എന്നതാണ് റോക്സിന്റെ വിശേഷണം.

മാസ് ലുക്ക്

മൂന്ന് ഡോർ ഥാറിന്റെ തലയെടുപ്പ് ഒട്ടും ചോരാതെയാണ് 5 ഡോർ വകഭേദമായ റോസും മഹീന്ദ്ര രൂപകൽപന ചെയ്തിരിക്കുന്നത്. ത്രീ ഡോറിനെക്കാളും നീളം 443 എംഎമ്മും വീതി 50 എംഎമ്മും ഉയരം 68 എംഎമ്മും കൂടുതലുണ്ട് റോക്സിന്. വീൽബേസിൽ 400 എംഎം വർധനയുണ്ട്. പുതിയ 6 സ്ലോട്ട് ഡബിൾ സ്ട്രാക്റ്റഡ് ഗ്രില്ലാണ് റോക്സിന്, എൽഇഡി ഡി ആർഎല്ലോടുകൂടിയ പ്രൊജക്ടർ ഹെഡ്ലാംപ്, കോർണറി ങ് ഫങ്ഷനോടുകൂടിയ ഫോഗ്ലാംപ്,19 ഇഞ്ച് ഡയമണ്ട് കട്ട് അലോയ് വീൽ (ബേസ് മോഡലിൽ 18 ഇഞ്ച്), ഡ്യുവൽ ടോൺ നിറങ്ങൾ എന്നിവയാണ് പുറത്തെ സവിശേഷതകൾ. രണ്ടാം നിര ഡോറിനും ക്വാർ ട്ടർ ഗ്ലാസ് ഭാഗത്തിനും സവിശേഷ ഡിസൈനാണുള്ളത്. ത്രീ ഡോറിനെക്കാളും ഗ്രൗണ്ട് ക്ലിയറൻസ് കൂടുതലുണ്ട്-235 എംഎം. ബോണറ്റും മുൻ ഡോറുകളുമെല്ലാം ത്രീ ഡോർ ഥാറിൽനിന്നു കടം കൊണ്ടത്.

ത്രീഡോർ ഥാറിന്റേതുപോലെ തന്നെയാണ് റോക്സിന്റെയും ബൂട്ട് ഡോറും ഗ്ലാസ് ഏരിയയും തുറക്കുന്നത്.

ഥാറിൽ രണ്ടു ഡോർ കൂടി ഇണക്കിച്ചേർത്തുള്ള വെറും ഏച്ചുകെട്ടലല്ല റോക്സിൽ മഹീന്ദ്ര ചെയ്തിരിക്കുന്നത്. അടിമുടി പുതിയ രൂപകല്പന. അതുകൊണ്ടുതന്നെ കാഴ്ചയിൽ കൂടുതൽ മനോഹരവും കരുത്തും തോന്നിക്കുന്നുണ്ട് റോക്സിന്.

പ്രീമിയം ഇന്റീരിയർ