അമ്പമ്പോ നമ്മടെ GEN Z

പുതിയ തലമുറയുടെ ഭാഷ ഇത്തിരി വെറൈറ്റിയാണേ...

- അഞ്ജലി അനിൽകുമാർ

എടാ, ഹീ ഗേവ് മീ ദ് വൈബ് ബട്ട് ഹീ ഈസ് ഓൾ റെഡ് ഫ്ലാഗ്സ് ഹീഈസ്റ്റേയിങ് ഇൻ ഹിസ് വർക്സ്.

ഹീ ഹാസ് ബിൽറ്റ് ഗുഡ് ക്ലൗട്ട് ടൂ...

ആഹാ എന്നിട്ട്? നോ ക്യാപ്

എന്നിട്ടെന്താ? ഹീ ഗോഡ്. ഐ മസ്റ്റ് ബി ഡെലു ലു സൊലുലു

അടുക്കളയിൽ വെള്ളയപ്പം ചുട്ടോണ്ടു നിന്ന സൂസമ്മ പിള്ളേർടെ ഡെലുലു സാലുലു കേട്ടു. എന്താണീശോ 'ലേലു അല്ലു' എന്ന് ആത്മഗതം ചെയ്തുക്കൊണ്ട് അവർ ഡൈനിങ് റൂമിലേക്ക് നടന്നു. എന്തോ കൂലങ്കഷമായി ചർ ച്ച ചെയ്യുകയാണ് സൂസമ്മയുടെ മക്കളായ ഇസബെല്ലയും മാത്തനും കോളജ് പിള്ളേരാണ് രണ്ടാളും കൂടാതെ ജെൻ സി'(Gen Z) കളും. ഈ ന്യൂജനറേഷനേ...

അപ്പൊ ആം ഫിന്ന ഓർഡർ സം ഫൂഡ്. ഇസബെല്ല, വാണ്ട് എനിതിങ്? ദാറ്റ്സ് ഗ്യാസ് ഡ് സീൻ മാറട്ടെ. ഫുഡ് അടിക്കാം...

ഗ്യാസ് എന്നു കേട്ട സൂസമ്മ വന്ന സ്പീഡിൽ തിരികെ ഓടി, ഗ്യാസ് ഓഫ് ആണ്. അപ്പൊ ഇത് ആ ഗ്യാസ് അല്ല.

കുറച്ചു കാലമായി മക്കളുടെ സംസാരവും ഭാഷയും ശൈലിയുമൊന്നും പാവം സൂസമ്മയ്ക്ക് പിടികിട്ടുന്നില്ല.

“എനിക്കെങ്ങും മേലാ രണ്ടിന്റേം ഇടയിൽക്കിടന്നിങ്ങനെ പൊട്ടിയാകാൻ. കയ്യിലിരുന്ന തവി ഒന്ന് ഓങ്ങി സൂസമ്മ ശബ്ദം കനപ്പിച്ചു.

“ അമ്മച്ചി, മെന്റ് ബി ആണോ?'', ഇസബെല്ല ചിരിയടക്കി ചോദിച്ചു

“മെന്റലോ? ആർക്കാട്മെന്റൽ ''സൂസമ്മയ്ക്ക് സകല പിടിയും വിട്ടു തുടങ്ങി എന്ന് ജെൻ സി കുട്ടികൾക്കു മനസ്സിലായി. ഇനിയിപ്പോ അമ്മച്ചിക്കു പറയാനുള്ളതു കേട്ടേ പറ്റൂ. അമ്മച്ചിയാണേൽ കഷ്ടിച്ച് ഇൻസ്റ്റഗ്രാം വരെ എത്തിയിട്ടേ ഉള്ളൂ. അതു തന്നെ പരുങ്ങലിലാണ്.

“ഭാഷ അറിയാത്തവനെ മുന്നിൽ നിർത്തി കളിയാക്കുന്നതുപോലെ ബോറു പരിപാടി വേറെയില്ല. അതുകൊണ്ട് ഞാൻ ഉറപ്പിച്ചു തന്നാ. നീയൊക്കെ എന്തുവാ പറയുന്നേ എന്നെങ്കിലും അറിയണമല്ലോ?''

“ഓകെ ബൂമർ ഏതൊക്കെ വാക്കുകളാ, അമ്മച്ചി ചോദിച്ചോ...'' മാത്തൻ പറഞ്ഞു.

പണ്ട് നിങ്ങളു രണ്ടും സംസാരിച്ചു തുടങ്ങുന്നേനു മുൻപ്, ചില ശബ്ദങ്ങൾ മാത്രമാണു പുറത്തേക്കു വരുന്നേ. എന്തായിരുന്നു നിങ്ങൾടെ മനസ്സിലെന്നു ഞാൻ കൃത്യമായി കണ്ടുപിടിക്കും. വലുതാകും തോറും നീയൊക്കെ എന്നാ പറയുന്നേന്നു ഡിക്ഷനറിയിലും കാണത്തില്ലല്ലോ. ഈ സിറ്റ്‌വെഷൻഷിപ്, ബ്രഡ് ക്രംപിങ്, ക്രിഞ്ച്...

ശ്ലേ... അമ്മച്ചി ഇങ്ങനെ ച്യുഗി ആവല്ലേ. നമുക്ക് സെറ്റ് ആക്കാം'' ഇസബെല്ല സൂസമ്മയുടെ തോളിൽത്തട്ടി.

ബൂം ബൂം ബൂമർ