ഒരു മുഖം മാത്രം

എം.ടി. വാസുദേവൻ നായരുടെ ഭാവനയിൽ പിറന്ന സിനിമകളിൽ നിന്ന്, മനസ്സിൽ പതിഞ്ഞ പെൺകഥാപാത്രത്തെ തിരഞ്ഞെടുക്കുന്നു. നാല് തിരക്കഥാകൃത്തുക്കൾ

- വി.ജി.നകുൽ

പഞ്ചാഗ്നിയിലെ ഇന്ദിര
പി.എഫ്. മാത്യൂസ്

എംടിയുടെ സ്ത്രീ  കഥാപാത്രങ്ങൾ പുരുഷനു ചുറ്റും കറങ്ങുന്ന ഉപഗ്രഹങ്ങളായതിനു കാരണം ഇന്നും നിലനിൽക്കുന്ന പുരുഷാധികാര വ്യവസ്ഥ തന്നെയാണെന്നു ഞാൻ കരുതുന്നു. അജിതയുടെ ജീവിതത്തിൽ നിന്നു പ്രചോദനം ഉൾക്കൊണ്ട് എഴുതിയതിനാലാകണം പഞ്ചാഗ്നി'യിലെ ഇന്ദിര വ്യത്യസ്തയായത്. സാമൂഹികമായി ഇടപെടാനുള്ള ശേഷിയും ശക്തമായ വ്യക്തിത്വവുമുള്ള, പരമ്പരാഗത നായകനോളം പോന്ന നായിക. തീവ്രവാദ ചിന്തകളുണ്ടെങ്കിലും ഒരു പ്രസ്ഥാനത്തിന്റെയും അടിമയാകാൻ തയാറല്ലാത്ത, മാനുഷിക ബലഹീനതകളുള്ള സ്ത്രീ.

എന്ന് സ്വന്തം ജാനകിക്കുട്ടി
എം. സിന്ധുരാജ്