பூக்கூடை

நியூயார்க்கில் உள்ள லிபர்ட்டி தெருவில் தரைக்கு கீழே 25 மீட்டர் ஆழத்தில் பெடரல் ரிசர்வ் தனது பிரதான கட்டிடத்தின் அடித்தளத்தில் பெரும்பான்மையான தங்கத்தை பாதுகாத்து வருகிறது.

- உஷா நாராயணன்

உலக நாடுகளின் பல மத்திய வங்கிகள் அரசுகள் மற்றும் நிறுவனங்களுக்கு சொந்தமானது இது. அரை மில்லியனுக்கும் அதிகமான தங்க கட்டிகள் இங்கே சேமிக்கப்பட் டுள்ளன. இந்த நிலத்தடி பாதுகாப்பு பெட்டகம் மிக வலிமையான 90 டன் எடையுள்ள இரும்பு கதவுகள் மூலம் பாதுகாக்கப்படுகிறது. ஒரு ட்ரில்லியன் டாலருக்கும் அதிகமான மதிப்பு கொண்ட இந்த பெட்டகம் 6300 டன் தங்கத்தை வைத்துள்ளது.

ஐரோப்பாவின் மத்திய வங்கிகள் தங்கள் கையிருப்பு நிதியில் பெரும்பான்மையானவற்றை எங்கே வைத்திருக்கிறார்கள். மீண்டும் ஆட்சிக்கு வந்து டிரம்ப் தொடர்ந்து செய்கிற கோமாளித்தனங்கள், வன்முறைகள், நாடுபிடிக்கும் ஆசைகள் பார்த்து ஐரோப்பிய நாடுகள் தங்கள் நிதியை சொந்த நாட்டுக்கு திரும்ப கொண்டு வருவது பற்றி சிந்திக்க தொடங்கி இருக்கின்றன தங்கள் தங்கம் முழுமையாக பாதுகாப்பாக உள்ளதா என்றும் கவலையுடன் பேசி வருகிறார்கள் ஐரோப்பிய தலைவர்கள்.