மருத்துவப் பொறியியலில் பார்மாசூட்டிக்கல் என்ஜினியரிங் படிப்பு!

மருத்துவப் பொறியியல் - பார்மாசூட்டிகல் என்ஜினீயரிங் என்பது மருந்துகளைக் கண்டறிதல், வடிவமைத்தல், உற்பத்தி செய்தல், பகுப்பாய்வு, தரக்கட்டுப்பாடு, செயல் முறைகள், மருந்துகளை உற்பத்தி செய்யும் உற்பத்தி தளங்களை வடிவமைத்தல், உருவாக்குதல், மேம்படுத்துதல் ஆகியவற்றில் கருத்துச் செலுத்தும் பொறியிலின் ஒரு பிரிவாகும்.

- -ம.வி.ராசதுரை

இது வேதியியல், பொறியியல், உயிரியல், மருத்துவப் பொறியியல், மருந்து அறிவியல், தொழில்துறை பொறியியல் ஆகிய பல துறைகளைப் பயன்படுத்துகிறது.

19-ஆம் நூற்றாண்டின் பிற்பகுதியில் வேதியியல் நிறுவனங்களில் தொழில்நுட்ப முன்னேற்றங்கள் மருத்துவ ஆராய்ச்சியுடன் ஒன்று கலந்த போது அறிவியலார் புதிய மருந்துகள், மருந்து அளித்திடும் நுட்பங்கள் ஆகியவற்றைக்கையாளவும் வடிவமைக்கவும் தொடங்கினர்.

பால் எர்லிச் என்பவர் மனிதர்களுக்குத் தீங்கு ஏற்படுத்தும் ஆர்சானிக் கொண்ட சேர்மமான அட்டாக்சில், சிபிலில் ஆகியவற்றை, நோய்களை உருவாக்கும் பாக்டீரியாவான ட்ரெபோளேமா போன்ற கிருமிகளை அழித்திட மிகவும் பயனுள்ளதாக உள்ளது எனக் கண்டறிந்தார்.

அட்டாக்சிலின் கட்டமைப்பை மாற்றினால், மனிதனின் ஆரோக்கியத்தில் எந்தவிதமான கெடுதல் மற்றும் பாதிப்பு ஏற்படுத்தாமல் ஒட்டுண்ணி பாக்டிரியாவை அழித்திடும் ஒரு 'மேஜிக்புல்லர்' அடையாளம் காணப்படலாம் என யூகித்தார்.

அவர் அட்டாக்சிலின் வேதியில் அமைப்பிலிருந்து தோன்றும் பல சேர்மங்களைத் தோற்றுவித்தார். இறுதியில் சிபிலிஸ் நோய்க்கு எதிராக மிகவும் பயனளிக் கக் கூடிய சேர்மம் ஒன்றைக் கண்டறிந்தார். சல்வர்சன் என்பது மனிதர்களுக்கு மிகக் குறைந்த அளவு தீமை செய்திடும் எனக் கண்டறிந்தார். சல்வார்சன் கண்டறியப்பட்ட சில ஆண்டுகளில் சிபிலிஸ் நோய்க்கு சிகிச்சை அளிக்க உதவியது.

1928 - ஆம் ஆண்டு அலெக்சாண்டர் பிளெமில் என்பவர் பென்சிலின் பூஞ்சை யைக் கண்டறிந்தார். இது பலவகைப்பட்ட நுண்ணுயிர் அல்லது பாக்டீரியாக்களின் வளர்ச்சியை மட்டுப்படுத்தியது. நோய் தொற்றுக்களை உருவாக்கும் நுண்ணுயிர்களை ஒழிக்க இவற்றின் திறனை அறிவியலார் கண்டறிந்தனர். இரண்டாம் உலகப் போரின் போது இங்கிலாந்து, அமெரிக்கா ஆகிய இருநாட்டவர் இணைந்து பெனிசிலினைப் பெருமளவில் உருவாக்கும் வகை கண்டனர்.