ഈ ലോകം കാണുന്നു ഞങ്ങൾ പാട്ടിലൂടെ..

വഴിത്തിരിവ്- വിവിധ മേഖലകളിൽ ശ്രദ്ധേയരായവർ തങ്ങളുടെ ജീവിതത്തിൽ വഴിത്തിരിവായ സന്ദർഭങ്ങൾ പങ്ക് വയ്ക്കുന്നു.

- ഉമ  ആനന്ദ്

കാഴ്ചയില്ലാതിരിക്കുക എന്നതാണ് മനുഷ്യ ജൻമത്തിലെ ഏറ്റവും വലിയ വേദന. ഈ പ്രകൃതിയുടെ സൗന്ദര്യം മാത്രമല്ല മറ്റു മനുഷ്യരെയും കാ ണാൻ കഴിയാത്ത അവസ്ഥ ഒരേ സമയവും ഭീകരവും ദയനീയവുമാണ്.

എന്നാൽ ചിലർക്കെങ്കിലും സംഗീത വാസന ജൻമസിദ്ധമായി ലഭിക്കാറുണ്ട്.

അന്ധതയുടെ വേദനയും പ്രതിസന്ധികളും അവർ സംഗീതത്തെ ഉപാസിച്ചു കൊണ്ട് മറികടക്കുന്നു. മാത്രമല്ല അവർ മറ്റുള്ളവർക്ക് പ്രചോദനമാവുകയും ചെയ്യുന്നു.

മുത്തു, ജയമോൻ, ബെന്നി എന്നീ അന്ധരായ  കലാകാരൻമാരെ കോർത്തിണക്കാനും ഹൃദയത്തിൽ നിന്നും ഹൃദയത്തിലേക്ക് എന്ന പേരിൽ ഒരു ട്രൂപ്പായി വികസിപ്പിക്കാനും മുൻകൈ എടുത്തത് എസ്.ആർ.വി.സിയുടെ എം.സി. റോയി എന്ന പ്രകാശം പരത്തുന്ന മനുഷ്യനാണ്. പേര് വ്യക്തമാക്കുന്നത് പോലെ ഇവരുടെ സംഗീതം എണ്ണമറ്റ മനുഷ്യ ഹൃദയങ്ങളെ കീഴടിക്കൊണ്ട് മുന്നേറുകയാണ്.

മുത്തു

 ഞാൻ ജനിച്ചത് തൃശ്ശൂർ വടക്കാഞ്ചേരിക്കടുത്ത് ചിറ്റണ്ടയിൽ. അച്ഛൻ അയ്യപ്പൻ അമ്മ കുഞ്ഞുമോൾ. ജനിച്ചപ്പോൾ എനിക്ക് കാഴ്ചയുണ്ടായിരുന്നു. നാലാം വയസ്സിൽ മഞ്ഞപ്പിത്തവും അതിനോടനുബന്ധിച്ച രോഗങ്ങളും വന്നപ്പോൾ കാ ഴ്ച നഷ്ടമായി. കേരളത്തിലെ ആദ്യ സ്പെഷൽ സ്കൂൾ കുന്ദംകുളത്താണ് തുടങ്ങിയത്. ഞാൻ പഠിച്ചതും അവിടെത്തന്നെ. ബ്ലൈൻഡ് ദി ഡഫ് ആൻഡ് ബോ ഡം സ്കൂൾ എന്നായിരുന്നു സ്കൂളിന്റെ ആദ്യത്തെ പേര്. പിന്നെ മോഡൽ ഹൈസ്കൂളിൽ. പ്രീഡിഗ്രിക്ക് തലശ്ശേരി ബ്രണ്ണൻ കോളജിലാണ് സീറ്റ് കിട്ടിയത്. എന്റെ ബാച്ചിൽ തന്നെ ആറോളം കാഴ്ചയില്ലാത്ത കുട്ടികൾ ഉണ്ടായിരുന്നു. തേർഡ് ഗ്രൂപ്പാണ് എടുത്തത്.