ബാലസാഹിത്യത്തിന്റെ തമ്പുരാൻ

വഴിത്തിരിവ്  വിവിധ മേഖലകളിൽ ശ്രദ്ധേയരായവർ തങ്ങളുടെ ജീവിതത്തിൽ വഴിത്തിരിവായ സന്ദർഭങ്ങൾ പങ്ക് വയ്ക്കുന്നു.

- സിപ്പി പള്ളിപ്പുറം

വിശ്വസാഹിത്യത്തിന്റെ വിശാലമായ ലോകത്തേക്ക് കുട്ടികൾക്ക് കടക്കാനുള്ള പ്രവേശന കവാടമാണ് ബാലസാഹിത്യം.

പുതിയ ലക്കത്തിന് വേണ്ടി കാത്തിരിക്കുന്ന ബാല്യം ബാലസാഹിത്യത്തിന്റെ മാത്രം സവിശേഷതയാണ്.

മൊബൈൽ ഫോണിന്റെ വരവ് കുട്ടികളെ വായനയിൽ നിന്നും അകറ്റിയിട്ടുണ്ട് എന്നതൊരു വസ്തുതയാണങ്കിലും ബാലസാഹിത്യത്തിന്റെ പ്രസക്തി ഒട്ടും കുറഞ്ഞിട്ടില്ല

 പ്രൈമറി ക്ലാസിലെ വിദ്യാർത്ഥികൾക്ക് ചൊല്ലിക്കൊടുക്കാൻ വേണ്ടി കവിതകളെഴുതുകയും പിന്നീട് അതൊരു ശീലമായിത്തീരുകയും ഒടുവിൽ അറിയപ്പെടുന്ന ബാലസാഹിത്യകാരനായി മാറുകയും ചെയ്ത സി പി പള്ളിപ്പുറം തന്റെ ജീവിതം മാറ്റിമറിച്ച വഴിത്തിരിവിന്റെ കഥ പറയുന്നു

“അച്ഛൻ അന്തപ്പനും അമ്മ തെരേസയ്ക്കും ഞങ്ങൾ നാലു മക്കൾ. ജനിച്ചത് വൈപ്പിൻ പള്ളിപ്പുറത്ത്. രണ്ടാമത്തെ മകനാണ് ഞാൻ. സ്കൂൾ പഠനം വൈപ്പിനിൽ ത്തന്നെ. പത്താം തരം കഴിഞ്ഞതും ടീച്ചേഴ്സ് ട്രെയിനിംഗ് കോഴ്സിന് പോയി. തലശ്ശേരിയിലായിരുന്നു. പരിശീലനം. 1966-ൽ പള്ളിപ്പുറ ൽ സെന്റ് മേരീസ് ഹൈസ്കൂളിൽ അധ്യാപകനായി. പഠിക്കുന്ന കാലത്തേ എഴുതിത്തുടങ്ങിയിരുന്നു. സ്കൂളിലെ കൈയെഴുത്തു മാസികയിൽ സ്ഥിരമായി എഴുതുമായിരുന്നു. എട്ട്, ഒൻപത്, പത്ത് ക്ലാസിൽ പഠിക്കുന്ന സമയം അതിന്റെ നടത്തിപ്പിലും സജീവമായിരുന്നു.

ഞാൻ ആറാം ക്ലാസ്സിൽ ആദ്യമായി നാലു വരി പഠിക്കുമ്പോഴാണ്  കുത്തിക്കുറിച്ചത്. അത് ഈ വരികളായിരുന്നു.

“മാവിൻ കൊമ്പിൽ ചാടി നടക്കും അണ്ണാറക്കണ്ണാ
ഇക്കിളി കിളികിളി പാടി നടക്കും അണ്ണാറക്കണ്ണാ
മുതുകത്തിങ്ങനെ ആരു വരച്ചു ചേലിൽ മൂന്നു വര