മലയാളത്തിന്റെ സുഭാഷിതം

മാധ്യമങ്ങളോ, സാഹിത്യ മേലാളന്മാരോ അവാർഡ് കമ്മറ്റികളുടെയോ പരിഗ ണനയല്ല മുഖ്യം. മറിച്ച് വിവേചനബോധമുളള കേരളത്തിലെ വായനാസമൂഹം സമകാലിക മലയാള സാഹിത്യത്തിലെ ഏറ്റവും സമുന്നതനായ എഴുത്തുകാര നായി സുഭാഷ് ചന്ദ്രനെ വിലയിരുത്തുന്നു.

- സജിൽ ശ്രീധർ

സുഭാഷ് ചന്ദ്രനെ നാം എന്തിന് വായിക്കണം? വളരെ പ്രസക്തമായ ചോദ്യമാണിത്.

കാക്കത്തൊളളായിരം എഴുത്തുകാരു ളള നാട്ടിൽ ഒറ്റപ്പെട്ട പ്രതിഭാസമായി തല ഉയർത്തി നിൽക്കുന്നതുകൊണ്ട് തന്നെ എന്ന് എടുത്തു പറയണം. പരമാവധി എങ്ങനെ എഴുതിക്കൂട്ടാം? എഴുതിയത് എങ്ങനെയൊക്കെ വാണിജ്യവത്കരിക്കാം?

പുരസ്കാരങ്ങൾ പിൻ പാട്ടുകാരുടെ സംഘടിപ്പിക്കാം. സഹായത്തോടെ പർവതീകരിക്കാം. സമൂഹമാധ്യമങ്ങളുടെ പിൻതുണയോടെ മഹാസംഭവമാ ണെന്ന് വരുത്തിത്തീർക്കാം എന്നെല്ലാം ഗവേഷണം നടത്തുന്നവരുടെ കൂത്തരങ്ങായി തീർന്നിരിക്കുകയാണ് കേരളം. മുൻനിര എഴുത്തെന്ന് പരക്കെ തെറ്റിദ്ധരിക്കപ്പെടുന്ന പലതും വിക്കിപീഡിയയിൽ നിന്നുളള കോപ്പി പേസ്റ്റാണെന്ന് വിവേചനബോധമുളള വായനക്കാർ കണ്ടെത്തുകയും പൊയ്മുഖങ്ങൾ തിരിച്ചറിയപ്പെടുകയും ചെയ്യുന്ന കാലം.

കാലത്തെ അതിജീവിക്കുന്നത് പോയിട്ട് പ്രസിദ്ധീകരിക്കപ്പെട്ട കാലത്ത് പോലും നിലനിൽപ്പില്ലാത്തതാണ് പല രചനകളും. പഠനങ്ങളോ, ചർച്ചകളോ അർഹിക്കാത്ത താത്കാലിക രചനകൾ. സെൻസേഷനൽ കമ്മോഡിറ്റീസ്. വിവാദങ്ങളുടെ പൊയ്ക്കാലുകളിലാണ് ഇവയിൽ പലതിന്റെയും നിലനിൽപ്പ്. എന്നാൽ സുഭാഷ് ചന്ദ്രൻ ഇതിൽ നിന്നെല്ലാം വ്യത്യസ്തനാവുന്നു.

സൂകരപ്രസവം പോലെ എഴുതിക്കൂട്ടുന്നത് അദ്ദേഹത്തിന്റെ രീതിയല്ല.