விசித்திரமான 'மறதி' கிராமங்கள்!

அது ஒரு அழகிய சிறிய கிராமம்.

- எஸ்.ரவீந்திரன்

அங்குள்ள மக்கள் காலையில் விழித்தெழுந்ததும், எந்த ஒரு இலக்கும் இல்லாமல் திரிவதை காணலாம். சிலர் காபி குடித்துக் கொண்டும், உணவகங்களில் செய்தித்தாள்களை புரட்டிக் கொண்டும் இருப்பர். சரி இதில் என்ன புதுமை, வழக்கமானது தானே என்று நீங்கள் நினைத்தால் அது முற்றிலும் தவறாகும்.

ஏனென்றால் அங்கு வசிக்கும் அனைவரும் 'டிமென்ஷியா' எனப்படும் மறதி பிரச்சினையால் பாதிக்கப்பட்டவர்கள். அப்படியானால் அங்கு முதியோர் இல்லம், அனாதை இல்லம் இருக்கிறதா என கேள்வி எழலாம். அப்படி இல்லை, அந்த ஊரே மறதி பிரச்சினைக்குரியவர்களின் புகழிடம் என சொல்லலாம்.

உலக அளவில் இந்த ஆண்டு டிமென்ஷியா அபாயம் 5 கோடி பேரை பாதிக்கும் எனவும், இது 2060 ஆம் ஆண்டுக்குள் ஆண்டுக்கு 10 கோடி புதிய நோயாளிகளாக உயரும் என்றும் தெரிவிக்கிறது சமீபத்தில் எடுக்கப்பட்ட ஒரு ஆய்வு, டிமென்ஷியா என்பது மூளையைப் பாதிக்கும் பல்வேறு நரம்பியல் நிலைமைகளை விவரிக்கப் பயன்படுத்தப்படும் ஒரு பொதுவான சொல்.

இது காலப்போக்கில் மோசமடைகிறது. இது அன்றாட வாழ்க்கை மற்றும் செயல்பாடுகளைப் பாதிக்கும் அளவிற்கு சிந்திக்கும், நினைவில் கொள்ளும் மற்றும் பகுத்தறியும் திறனை இழப்பதாகும்.

டிமென்ஷியா உள்ள சிலரால் தங்கள் உணர்ச்சிகளையும் பிற நடத்தைகளையும் கட்டுப்படுத்த முடியாது. மேலும் அவர்களின் ஆளுமை மாறக்கூடும். இதை குணப்படுத்துவது என்பது சிரமம்.